Vaibhav Sooryavanshi T20 World Record : आयपीएल २०२६ मध्ये राजस्थान रॉयल्सचा युवा फलंदाज वैभव सूर्यवंशी याने आपल्या बॅटिंगने पुन्हा एकदा क्रिकेट विश्वात खळबळ उडवून दिली आहे. गुजरात टायटन्स विरुद्धच्या सामन्यात २३० धावांच्या अवाढव्य लक्षाचा पाठलाग करताना वैभवने मोहम्मद सिराजच्या पहिल्याच चेंडूवर षटकार खेचत टी-२० क्रिकेटमध्ये एका ऐतिहासिक विश्वविक्रमाला गवसणी घातली.

वैभव सूर्यवंशीने रचला विश्वविक्रम –

या सामन्यात वैभव सूर्यवंशीने केवळ १६ चेंडूत ३६ धावांची वादळी खेळी केली. या खेळीत त्याने ३ चौकार आणि ३ उत्तुंग षटकार ठोकले. विशेष म्हणजे त्याने आपल्या १०० षटकारांचा टप्पा पूर्ण केला आणि नवा इतिहास लिहला. तो आता वयाच्या अवघ्या १५ व्या वर्षी १०० टी-२० षटकार पूर्ण करणारा जगातील पहिलाच फलंदाज ठरला आहे.

A Yorker to rattle to rattle Vaibhav Suryavanshi.

A bouncer to dismiss him.

DSP SIRAJ CELEBRATIONS SAYS IT ALL. 🥶🔥 pic.twitter.com/yZafC0NnaY

— Mufaddal Vohra (@mufaddal_vohra) May 9, 2026

वैभवने लावली विक्रमांची रांग –

Vaibhav Sooryavanshi becomes the fastest player to reach 100 T20 sixes in terms of balls faced! 🚀🏏🔥 pic.twitter.com/XmHKfWC0LZ

— CricketGully (@thecricketgully) May 9, 2026

त्याने २० वर्षांखालील गटात सर्वाधिक षटकार मारण्याच्या बाबतीत रहमानुल्लाह गुरबाज (९०) आणि डेव्हाल्ड ब्रेव्हिस (७३) यांना मागे टाकले आहे. इतकेच नाही तर, सर्वात कमी चेंडूंमध्ये १०० षटकार मारण्याचा विक्रमही आता वैभवच्या नावावर जमा झाला आहे. त्याने केवळ ५१४ चेंडूत ही कामगिरी केली, यापूर्वी हा विक्रम करणबीर सिंहच्या (८१७ चेंडू) नावावर होता.

हेही वाचा – Ravindra Jadeja Celebration : तुला खिशात ठेवतो…! जडेजाचा माज की आत्मविश्वास?बटलरलच्या विकेटनंतर वादग्रस्त सेलिब्रेशन, पाहा VIDEO

अभिषेक शर्माचा मोडला रेकॉर्ड –

आयपीएलच्या इतिहासातही वैभवने एक नवा अध्याय लिहिला आहे. या हंगामात पॉवरप्ले दरम्यान ३० हून अधिक षटकार मारणारा तो पहिला फलंदाज ठरला आहे. याआधी २०२४ मध्ये अभिषेक शर्माने पॉवरप्लेमध्ये २९ षटकार मारले होते, तो विक्रम आता मोडीत निघाला आहे. केवळ २९ डावांमध्ये १०० षटकार पूर्ण करून त्याने जगातील मोठ्या दिग्गज फलंदाजांना आश्चर्याचा धक्का दिला आहे. वैभवची ही कामगिरी पाहता, तो आगामी काळात भारतीय क्रिकेटचा नवा सुपरस्टार ठरेल यात शंका नाही.