Vaibhav Sooryavanshi Debut Match Records Most Sixes IND vs ENG 2nd T20I : इंग्लंडविरुद्धच्या दुसऱ्या टी-२० सामन्यात भारताचा १५ वर्षीय फलंदाज वैभव सूर्यवंशी याने आंतरराष्ट्रीय क्रिकेटमध्ये पाऊल ठेवताच खळबळ उडवून दिली आहे. आपल्या पहिल्याच आंतरराष्ट्रीय सामन्यात वैभवने त्याच्या आक्रमक शैलीत फलंदाजी करण्याचा प्रयत्न केला. जरी तो वैयक्तिक १४ धावांवर बाद झाला असला, तरी त्याने आपल्या छोट्याशा खेळीत दोन गगनचुंबी षटकार खेचले. इंग्लंडच्या विल जॅक्सने त्याला यष्टिचित केले. मात्र, अवघ्या १४ धावांच्या या खेळीदरम्यान वैभवने जागतिक क्रिकेटमधील ३ मोठे आणि ऐतिहासिक रेकॉर्ड्स आपल्या नावावर केले आहेत.

जोफ्रा आर्चरच्या चौथ्याच चेंडूवर ठोकला उत्तुंग षटकार –

वैभव सूर्यवंशीने आपल्या आंतरराष्ट्रीय क्रिकेट कारकिर्दीच्या अवघ्या चौथ्या चेंडूवर जगातील सर्वात वेगवान गोलंदाजांपैकी एक असलेल्या जोफ्रा आर्चरला शानदार षटकार ठोकला. त्यानंतर ७ व्या चेंडूवर त्याने पदार्पण करणाऱ्या जोश टंगच्या चेंडूवर दुसरा षटकार ठोकला. मात्र, धावांचा वेग वाढवण्याच्या नादात तो विल जॅक्सच्या फिरकीवर चकवा खाऊन बाद झाला.

The most awaited debut has finally happened! 🇮🇳✨

Vaibhav Sooryavanshi has made history on his debut, becoming the youngest-ever player to represent the Indian men’s cricket team. 🏏

The previous record was held by the legendary Sachin Tendulkar. 👑#VaibhavSooryavanshi… pic.twitter.com/sCnNLljS8C

— CREX (@Crex_live) July 4, 2026

वैभव सूर्यवंशीने रचलेले ३ ऐतिहासिक जागतिक विक्रम:

१. पुरुष आंतरराष्ट्रीय क्रिकेटमध्ये सर्वात तरुण षटकार मारणारा खेळाडू: वैभवने अवघ्या १५ वर्षे ९९ दिवस वयात आंतरराष्ट्रीय क्रिकेटमध्ये षटकार मारण्याचा कारनामा केला. त्याने बांगलादेशच्या मोहम्मद शरीफचा (१५ वर्षे २६० दिवस, विरुद्ध पाकिस्तान, २००१) २५ वर्षांपूर्वीचा विक्रम मोडीत काढला.

A CRAZIEST SHOT – FIRST SIX IN INTERNATIONAL CRICKET 🔥

Vaibhav Sooryavanshi has arrived.pic.twitter.com/GLigi5WG2M

— Johns. (@CricCrazyJohns) July 4, 2026

२. आंतरराष्ट्रीय टी-२० क्रिकेटमध्ये सर्वात कमी वयात षटकार: टी-२० फॉरमॅटमध्येही सर्वात तरुण वयात षटकार मारण्याचा विक्रम आता वैभवच्या नावावर झाला आहे. त्याने अफगाणिस्तानच्या राशिद खानचा (१७ वर्षे ११० दिवस, २०१६) विक्रम उद्ध्वस्त केला.

हेही वाचा – Shreyas Iyer Statement : वैभव सूर्यवंशीने सरावादरम्यान असं काय केलं की त्याला पदार्पणाची संधी द्यावी लागली? श्रेयस अय्यरने केला खुलासा

३. भारताकडून सर्वात तरुण पदार्पणवीर: त्याने महान सचिन तेंडुलकरचा (१६ वर्षे २०५ दिवस, १९८९) ३७ वर्षांपूर्वीचा ऐतिहासिक विक्रम मोडीत काढत भारताचा सर्वात तरुण आंतरराष्ट्रीय पुरुष खेळाडू बनण्याचा बहुमान मिळवला.