Vaibhav Sooryavanshi Fastest 1000 Runs Record : आयपीएल २०२६ च्या ‘क्वालिफायर-२’ सारख्या अत्यंत महत्त्वाच्या सामन्यात राजस्थान रॉयल्सच्या वैभव सूर्यवंशीने आपल्या फलंदाजीने पुन्हा एकदा इतिहास रचला आहे. न्यू चंदीगडच्या मुल्लानपूर स्टेडियमवर गुजरात टायटन्सविरुद्ध खेळल्या जाणाऱ्या या हाय-व्होल्टेज सामन्यात राजस्थानने टॉस जिंकून आधी फलंदाजी करण्याचा निर्णय घेतला. संघाची सुरुवात खराब झाली असली, तरी सलामीवीर वैभव सूर्यवंशीने एका बाजूने खिंड लढवत धावांचा पाऊस पाडला आणि अनेक ऐतिहासिक महाविक्रम आपल्या नावावर केले.

सर्वात वेगवान १००० आयपीएल धावा करणारा पहिला भारतीय –

या सामन्यात शानदार फलंदाजी करत वैभव सूर्यवंशी आता आयपीएलच्या इतिहासात सर्वात वेगवान १००० धावा पूर्ण करणारा पहिला भारतीय फलंदाज ठरला आहे. त्याने अवघ्या २३ डावांमध्ये हा पल्ला गाठून वेस्ट इंडिजच्या लेंडल सिमन्सच्या विक्रमाची बरोबरी केली. आयपीएलमध्ये सर्वात वेगवान १००० धावा करण्याचा विक्रम शॉन मार्शच्या नावावर आहे. या यादीत आता वैभव दुसऱ्या स्थानावर पोहोचला असून त्याने डेव्हॉन कॉनवे (२४ डाव), मॅथ्यू हेडन (२५ डाव) आणि साई सुदर्शन (२५ डाव) या दिग्गजांना मागे टाकले आहे.

७०० धावांचा टप्पा पार करणारा पहिलाच ‘अनकॅप्ड’ किंग –

IT HAS HAPPENED AGAIN! 👀

Vaibhav Sooryavanshi falls one boundary short of a HUNDRED! 🫣

Updates ▶️ https://t.co/eupS8cBPc2#TATAIPL | #Qualifier2 | #TheFinalLeap | #GTvRR | @rajasthanroyals pic.twitter.com/vukxUDpdNR

— IndianPremierLeague (@IPL) May 29, 2026

एकाच आयपीएल हंगामात अनकॅप्ड खेळाडू म्हणून सर्वाधिक धावा करण्याचा विक्रम वैभवने आधीच केला होता. पण गुजरातविरुद्धच्या या सामन्यात त्याने आणखी एक पाऊल पुढे टाकत एकाच हंगामात ७०० हून अधिक धावा बनवणारा आयपीएल इतिहासातील पहिला ‘अनकॅप्ड खेळाडू’ बनण्याचा बहुमान मिळवला. भारतीय खेळाडूंचा विचार केला, तर एका हंगामात ७०० पेक्षा जास्त धावा करणारा वैभव हा केवळ ५ वा फलंदाज ठरला आहे. यापूर्वी विराट कोहलीने दोनदा, तर साई सुदर्शन, सूर्यकुमार यादव आणि शुभमन गिल यांनी प्रत्येकी १-१ वेळा हा टप्पा ओलांडला आहे.

हेही वाचा – Vaibhav Sooryavanshi Record : वैभव सूर्यवंशीचा ऐतिहासिक पराक्रम! आयपीएलच्या इतिहासात ‘हा’ कारनामा करणारा पहिलाच अनकॅप्ड खेळाडू

पॉवरप्लेमध्ये ५०० पेक्षा जास्त धावा करणारा जगातील पहिलाच फलंदाज –

Innings Break!

Another #RR charge, led by Vaibhav Sooryavanshi 💪

Will #GT chase down the 🎯 to enter the Final? 🤔

Scorecard ▶️ https://t.co/eupS8cBPc2#TATAIPL | #Qualifier2 | #TheFinalLeap | #GTvRR pic.twitter.com/3ieBSBINoP

— IndianPremierLeague (@IPL) May 29, 2026

वैभवने गुजरात टायटन्सविरुद्ध पहिल्या ६ ओव्हर्समध्ये ३१ धावा कुटून आणखी एका वर्ल्ड रेकॉर्डवर आपले नाव कोरले. तो आयपीएलच्या इतिहासात पॉवरप्लेमध्ये ५०० पेक्षा जास्त धावा करणारा जगातील पहिला फलंदाज ठरला आहे. चालू आयपीएल २०२६ च्या हंगामात वैभवच्या बॅटमधून एकट्या पॉवरप्लेमध्ये तब्बल ५२१ धावा निघाल्या आहेत, जे त्याच्या भयंकर आक्रमकतेचे मोठे पुरावे आहेत.