Government Warning for Google Chrome users : तुम्ही मोबाईल, लॅपटॉप किंवा डेस्कटॉपवर गुगल क्रोम वापरत असाल तर ही बातमी तुमच्यासाठी महत्वाची आहे. जर तुम्ही ऑनलाइन काम करत असाल तर तुम्हाला आता सतर्क राहण्याची गरज आहे. याबाबत सरकारकडूनच अलर्ट जारी करण्यात आला आहे. सरकारी सुरक्षा एजन्सी CERT-In ने Google Chrome OS वापरणाऱ्या युजर्सना एक चेतावणी जारी केली आहे. तुम्हीही क्रोम वापरत असाल तर सावधान.

क्रोम ब्राउझरबाबत कॉम्प्युटर इमर्जन्सी रिस्पॉन्स टीमने अलर्ट जारी केला आहे. या सर्च इंजिनच्या एका आवृत्तीमध्ये एजन्सीला काही त्रुटी आढळल्या आहेत. या ब्राउझरच्या अशा कमतरता आहेत ज्यामुळे वापरकर्त्यांचा वैयक्तिक डेटा आणि गोपनीयतेला मोठा धोका निर्माण होऊ शकतो.

CERT-In ने म्हटले आहे की स्मार्टफोन किंवा लॅपटॉप वापरकर्त्यांनी त्यांचे ब्राउझर त्वरित 114.0.5735.350 किंवा नवीन आवृत्तीवर अपडेट करावे. CERT-In च्या मते, स्कॅमर किंवा हॅकर्स या कमतरतांचा फायदा घेऊन तुमचा वैयक्तिक डेटा चोरू शकतात. तुम्हाला तुमचा डेटा सुरक्षित ठेवायचा असेल तर तो लगेच अपडेट करा. केवळ डेटा चोरीच नाही तर हॅकर्स तुमच्या सिस्टममध्ये चुकीचे कोडही टाकू शकतात.

अशा प्रकारे करा Google Chrome अपडेट
अपडेट करण्यासाठी, प्रथम तुमच्या फोन किंवा लॅपटॉपवर Google Chrome उघडा.
आता स्क्रीनच्या वरच्या उजव्या कोपऱ्यात असलेल्या तीन ठिपक्यांवर क्लिक करा.
आता एक छोटी विंडो उघडेल ज्यामध्ये तुम्हाला हेल्पचा पर्याय मिळेल, त्यात गुगल क्रोम निवडा.
पुढे, तुम्हाला येथे उपलब्ध नवीनतम अपडेटचा पर्याय दिसेल. तो निवडा.
इंस्टॉलेशननंतर, तुमचा Chrome ब्राउझर आपोआप अपडेट होईल.