US Stock Market । अमेरिकेचे राष्ट्राध्यक्ष डोनाल्ड ट्रम्प यांनी उच्च आयात शुल्क दरांवर ९० दिवसांची सूट जाहीर केली आहे. त्याचबरोबर, १० एप्रिलपासून चिनी वस्तूंवरील आयात शुल्क १०४% वरून १२५% पर्यंत वाढवण्याचा निर्णय घेतला आहे. या निर्णयामुळे अमेरिकन शेअर बाजारात तेजी दिसून आली. गुरुवारी सुरुवातीच्या व्यवहारात अमेरिकन शेअर बाजाराने एका दिवसातील सर्वात मोठी उसळी असल्याचे दिसून आली. एका इंग्रजी वृत्तपत्राच्या अहवालानुसार, S&P मध्ये ९.५% वाढ झाली, तर Nasdaq १२% ने वधारला आणि १०० अंकांनी वर गेला. डाऊ जोन्स इंडस्ट्रियल सरासरीतही सुमारे ७.९% ची वाढ नोंदवली गेली. एका दिवसात सुमारे ३० अब्ज शेअर्सची खरेदी-विक्री झाली, जे एका दिवसातील विक्रमी व्यवहार ठरले. एस अँड पी मध्ये सर्वात मोठी उडी US Stock Market । म्प यांनी सोशल मीडियावरील पोस्टमध्ये जाहीर केले की, मी ९० दिवसांसाठी टॅरिफवर स्थगिती देण्याचा आदेश देत आहे, आणि या कालावधीत १०% टॅरिफ तात्काळ लागू राहील. मात्र, ही सूट चीनला लागू होणार नाही; उलट, व्हाईट हाऊसने चीनवर १२५% कर लादला आहे, ज्याने यापूर्वीच अमेरिकन वस्तूंवर ८४% कर आकारला आहे. एस अँड पी निर्देशांकात सुमारे ११% ची वाढ नोंदवली गेली, जी नोव्हेंबर २००८ च्या जागतिक आर्थिक संकटानंतरची सर्वात मोठी वाढ आहे. ही वाढ २०१० मधील फ्लॅश क्रॅशच्या तुलनेतही मोठी आहे. अहवालानुसार, गोल्डमन सॅक्स ग्रुप इंक.च्या शेअर्समध्ये १७.३४% ची लक्षणीय वाढ झाली, जी एस अँड पीच्या विक्रमी वाढीपेक्षा बरीच जास्त आहे. ९० दिवसांनंतरचा सस्पेन्स US Stock Market । बोस्टनमधील संपत्ती व्यवस्थापन तज्ज्ञ जीना बोल्विन यांनी सांगितले की, हा तो महत्त्वाचा क्षण आहे ज्याची सर्वांना प्रतीक्षा होती. कंपन्यांचे निकाल लवकरच जाहीर होणार असून, यामुळे बाजाराला चालना मिळेल. मात्र, ९० दिवसांनंतर काय होईल, हा प्रश्न अनुत्तरित आहे. विशेष म्हणजे, जेपी मॉर्गनसारख्या मोठ्या बँका शुक्रवारी आपले निकाल जाहीर करणार आहेत, ज्यामुळे कॉर्पोरेट अमेरिकेच्या स्थितीचे स्पष्ट चित्र समोर येईल. दरम्यान, अमेरिकेचे अध्यक्ष डोनाल्ड ट्रम्प यांनी दावा केला की, जगभरातील नेते अमेरिकेसोबत व्यापारी करार करण्यास उत्सुक आहेत. शुल्काबाबत तडजोड करण्यासाठी ते कोणत्याही पातळीवर जाण्यास तयार असल्याचे त्यांनी स्पष्ट केले. “मी तुम्हाला सांगतो, हे देश आमच्याशी संपर्क साधत आहेत,” असे ट्रम्प यांनी सांगितले. गेल्या काही दिवसांत ट्रम्प यांनी अनेक देशांवर विविध शुल्क लादले आहेत, ज्यामुळे जागतिक व्यापार युद्धाची परिस्थिती निर्माण झाली आहे.
