US Open 2024 : दोन वेळची यूएस ओपन चॅम्पियन नाओमी ओसाका आणि इतर तीन माजी विजेते स्टॅन वावरिंका, डॉमिनिक थिम आणि बियान्का अँड्रीस्कू यांना येत्या 26 ऑगस्टपासून सुरू होणाऱ्या वर्षातील अंतिम ग्रँड स्लॅमसाठी वाइल्ड कार्ड देण्यात आले आहेत.

ओसाकाने आतापर्यंत चार ग्रँडस्लॅम जेतेपदे जिंकली आहेत. तिने 2018 मध्ये यूएस ओपनमध्ये तिचे पहिले ग्रँड स्लॅम विजेतेपद जिंकले. यानंतर, ती 2020 मध्ये येथे चॅम्पियन देखील बनली परंतु वाइल्ड कार्ड मिळालेल्या इतर खेळाडूंप्रमाणे ती देखील अलीकडेच बहुतेक स्पर्धांमध्ये खेळू शकली नाही ज्यामुळे ती जागतिक क्रमवारीत खाली घसरली जे यूएस ओपनमध्ये थेट प्रवेश मिळविण्यासाठी पुरेसे नव्हते.

गेल्या वर्षी एका मुलीला जन्म दिल्यानंतर ओसाका या हंगामात डब्ल्यूटीए टूरमध्ये परतली, परंतु तरीही ती त्या फॉर्मच्या शोधात आहे. ज्यामुळे ती जागतिक क्रमवारीत प्रथम क्रमांकावर पोहचली होती. 2019 मध्ये सेरेना विल्यम्सचा पराभव करून यूएस ओपनचे विजेतेपद जिंकणारी कॅनडाची खेळाडू बियान्का अँड्रीस्कूही गेल्या वर्षी फ्रेंच ओपनमध्ये पुनरागमन करण्यापूर्वी पाठीच्या दुखापतीमुळे त्रस्त होती.

थिएमला शेवटची ग्रँड स्लॅम स्पर्धा खेळण्याची संधी मिळेल. या मोसमानंतर निवृत्ती घेणार असल्याचे त्याने या वर्षाच्या सुरुवातीला जाहीर केले होते. 30 वर्षीय ऑस्ट्रियाच्या खेळाडूने 2020 मध्ये यूएस ओपनमध्ये त्याचे एकमेव ग्रँड स्लॅम विजेतेपद जिंकले होते पण गेल्या तीन वर्षांपासून तो मनगटाच्या दुखापतीशी झुंज देत आहे.

स्वित्झर्लंडच्या 39 वर्षीय वॉवरिन्काने त्याच्या तीन ग्रँडस्लॅम विजेतेपदांपैकी एक 2016 मध्ये यूएस ओपनचे विजेतेपद जिंकले आहे. अलीकडे त्याची कामगिरी चांगली नसल्यामुळे तो जागतिक क्रमवारीत पहिल्या 100 मधून बाहेर पडला आहे.

Paris Paralympics 2024 : पॅरिस पॅरालिम्पिकसाठी 84 भारतीय खेळाडू सज्ज,12 खेळात होणार सहभागी….

दरम्यान, महिला गटात अमांडा ॲनिसिमोवा, मॅककार्टनी केसलर, अलेक्सा नोएल आणि इवा जोविक यांच्याशिवाय फ्रान्सच्या क्लो पॅक्वेट आणि ऑस्ट्रेलियाच्या टायला प्रेस्टन यांनाही वाईल्ड कार्ड देण्यात आले आहे. वाइल्ड कार्ड मिळालेल्या पुरुष खेळाडूंमध्ये अमेरिकेचे ख्रिस युबँक, लर्नर टिएन, झॅचरी स्वजदा आणि मॅथ्यू फोर्ब्स तसेच फ्रान्सचे अलेक्झांड्रे मुलर आणि ऑस्ट्रेलियन ट्रिस्टन स्कुलकेट यांचा समावेश आहे.