US-India Trade।  व्यापार आणि ऊर्जेवरून अमेरिका आणि भारत यांच्यातील तणाव सध्या वाढत आहे. अमेरिकेचे अध्यक्ष डोनाल्ड ट्रम्प यांनी भारतावर ५०% कर लादल्यानंतर आणि रशियन तेल खरेदीवर नाराजी व्यक्त केली. तसेच अमेरिकेचे ट्रेझरी सेक्रेटरी स्कॉट बेसंट यांनी दोन्ही देशांमधील संबंधांबद्दल एक कडक संदेश दिला आहे. बेसंट यांन,”अमेरिका आणि भारत यांच्यात एक मजबूत पाया आहे आणि दोन्ही देशांमधील कोणतेही मतभेद सोडवता येतात” असे म्हणत दोन्ही देशातील संबंध सुधारण्याचे संकेत दिले आहेत.

अमेरिकेचे ट्रेझरी सेक्रेटरी स्कॉट बेसंट यांनी काय म्हटले?

अमेरिकेचे ट्रेझरी सेक्रेटरी स्कॉट बेसंट यांनी एका इंग्रजी वृत्तवाहिनीला दिलेल्या विशेष मुलाखतीत,” अमेरिका आणि भारत यांच्यातील संबंध मजबूत आहेत आणि दोन्ही लोकशाही देशांना त्यांचे मतभेद सोडवणे शक्य आहे. ते म्हणाले, “दोन महान देश ते सोडवतील.” असे म्हटले आहे.

मात्र , बेसंट यांनी रशियाकडून भारताच्या कच्च्या तेलाच्या सतत खरेदीवर कठोर भूमिका घेतली. ते म्हणाले की भारताची ही कृती मॉस्कोच्या युक्रेन युद्धाला आर्थिक मदत करत आहे. ते म्हणाले, “भारताने रशियाकडून स्वस्त तेल खरेदी करून आणि नंतर रिफाइंड उत्पादने विकून रशियाच्या युद्ध प्रयत्नांना हातभार लावला आहे. हे चांगले पाऊल नाही.”

ट्रम्प प्रशासनाने भारतावर कर वाढवण्याच्या निर्णयामागचे कारण बेझंट यांनी स्पष्ट केले.

ट्रम्प प्रशासनाने भारतावर कर वाढवण्याच्या निर्णयामागचे कारणही बेझंट यांनी स्पष्ट केले. व्यापार चर्चेच्या मंद गतीमुळे अमेरिकेला २५% आणि नंतर ५०% कर लादण्याचे पाऊल उचलावे लागले, असे ते म्हणाले. त्यांनी भारतीय पंतप्रधान नरेंद्र मोदी यांच्या अलीकडील भेटीचाही उल्लेख केला, ज्यामध्ये पंतप्रधान मोदींनी एससीओ शिखर परिषदेत रशियाचे अध्यक्ष व्लादिमीर पुतिन आणि चीनचे अध्यक्ष शी जिनपिंग यांची भेट घेतली. बेझंट म्हणाले की भारताची मूल्य व्यवस्था रशियाच्या नव्हे तर अमेरिका आणि चीनच्या जवळ आहे.