US election 2024 ।  अमेरिकेत सध्या निवडणुकांचे वारे वाहत आहे .  या निवडणुकीत राष्ट्राध्यक्ष पदासाठी डोनाल्ड ट्रम्प हे देखील मैदानात उतरले आहेत .  यावेळी त्यानी प्रचार जोरात सुरु केला आहे. दरम्यान, डोनाल्ड ट्रम्प यांनी आज मोठी घोषणा केली आहे. त्यांनी आपल्या प्रचारादरम्यान, जाहीर केले की जर ते या नोव्हेंबरमध्ये अध्यक्ष झाले तर ते टेस्लाचे सीईओ एलोन मस्क यांना आपल्या मंत्रिमंडळात सहभागी करून घेणार असल्याचे म्हटले आहे.

अलीकडेच इलॉन मस्क यांनी डोनाल्ड ट्रम्प यांची त्यांच्या सोशल मीडियावर मुलाखत घेतली होती. यादरम्यान, डोनाल्ड ट्रम्प यांनी मस्कच्या कारचे कौतुक केले होते आणि म्हटले होते की ते उत्कृष्ट उत्पादने बनवतात. एका इंग्रजी वर्तमानपत्राच्या वृत्तानुसार, मस्क यांनी यापूर्वी 2020 च्या निवडणुकीत राष्ट्राध्यक्ष जो बिडेन यांना पाठिंबा दिल्याचे सांगितले होते, मात्र यावेळी ते ट्रम्प यांना पाठिंबा देत आहेत. ट्रम्प यांच्यावर झालेल्या हल्ल्यानंतर त्यांनी सोशल मीडियावर लिहिले की, ‘मी ट्रम्प यांना पूर्ण पाठिंबा देतो आणि त्यांच्या लवकरात लवकर बरे होण्याची आशा करतो.’

ट्रम्प मस्क यांना मंत्रिमंडळात स्थान देण्यास तयार  US election 2024 । 

रिपब्लिकन पक्षाचे अध्यक्षपदाचे उमेदवार डोनाल्ड ट्रम्प यांनी म्हटले आहे की, जर ते निवडणूक जिंकले तर ते इलेक्ट्रिक वाहन खरेदीसाठी $7,500 टॅक्स क्रेडिट काढून टाकण्याचा विचार करतील. याशिवाय ते टेस्लाचे सीईओ एलोन मस्क यांना कॅबिनेट किंवा सल्लागाराची भूमिकाही देऊ शकतात.

यॉर्क, पेनसिल्व्हेनिया येथील प्रचारादरम्यान ते म्हणाले, ‘टॅक्स क्रेडिट्स आणि कर प्रोत्साहन ही चांगली कल्पना नाही.’ टेस्लाचे सीईओ इलॉन मस्क यांचे कौतुक करताना ते म्हणाले, ‘ते त्यांना त्यांच्या मंत्रिमंडळात नक्कीच स्थान देतील. तो एक अतिशय हुशार व्यक्ती आहे.

मास्क यांचा प्रतिक्रिया देण्यास नकार  US election 2024 । 

टेस्लाचे सीईओ एलोन मस्क यांनी ट्रम्प यांच्या या वक्तव्यावर कोणतीही प्रतिक्रिया दिलेली नाही. फोर्ब्सनुसार मस्क सध्या जगातील सर्वात श्रीमंत व्यक्ती आहेत.

हेही वाचा
‘मला शाळेत जाणारी मुलगी आहे, तिने हे वाचलं तर…’ मृत्यूच्या खोट्या पोस्टवरून श्रेयसने केला संताप व्यक्त