Urfi Javed : उर्फी जावेदची तब्येत बिघडली; रुग्णालयात दाखल, फोटो आले समोर, चाहत्यांची चिंता वाढली
Urfi Javed : मात्र, उर्फीला नेमक्या कोणत्या कारणामुळे रुग्णालयात दाखल करण्यात आले आहे, याबाबत तिने अद्याप स्पष्ट माहिती दिलेली नाही. त्यामुळे तिच्या हॉस्पिटलमध्ये दाखल होण्यामागचे नेमके कारण समोर आलेले नाही.
Urfi Javed : आपल्या हटके फॅशन आणि अनोख्या अंदाजामुळे कायम चर्चेत असलेली अभिनेत्री आणि सोशल मीडिया इन्फ्लुएन्सर उर्फी जावेद पुन्हा एकदा चर्चेत आली आहे. मात्र, यावेळी तिचे चर्चेत येण्याचे कारण वेगळे असून यामुळे तिच्या चाहत्यांची चिंता वाढली आहे.
उर्फी जावेद रुग्णालयात दाखल झाली असून, तिने सोशल मीडियावर हॉस्पिटलमधील काही फोटो शेअर करत याविषयीची माहिती दिली. तिने इन्स्टाग्रामवरुन रुग्णालयातील फोटो शेअर केले आहेत. या फोटोंमध्ये तिच्या हाताला IV कॅन्युला लावलेले दिसत आहे. एका फोटोसोबत तिने ‘इतनी शक्ति हमें देना दाता’ हे गाणे शेअर केले आहे, तर दुसऱ्या फोटोला ‘द बेस्ट पार्ट’ असे लिहिले आहे.
रुग्णालयाच्या बेडवरून शेअर केलेल्या एका फोटोत तिने ‘भाऊ, ॲनेस्थेसियाची स्वतःची मजा असते’ असे कॅप्शन दिले आहे. पोस्टमध्ये ॲनेस्थेसियाचा उल्लेख केल्यामुळे तिच्यावर शस्त्रक्रिया झाली आहे का, असा प्रश्न चाहत्यांकडून उपस्थित केला जात आहे. अनेक चाहत्यांनी कमेंट्समधून तिला काळजी घेण्याचा सल्ला दिला आहे.
मात्र, उर्फीला नेमक्या कोणत्या कारणामुळे रुग्णालयात दाखल करण्यात आले आहे, याबाबत तिने अद्याप स्पष्ट माहिती दिलेली नाही. त्यामुळे तिच्या रुग्णालयात दाखल होण्यामागचे नेमके कारण समोर आलेले नाही.
Urfi Javed
याआधीही उर्फीने आपल्या प्रकृतीबाबत काही खुलासे केले होते. जानेवारी २०२६ मध्ये तिने आपण गंभीर नैराश्यातून जात असल्याचे सांगितले होते. त्यावेळी तिचे वजन ३८ किलोपर्यंत कमी झाल्याचेही तिने नमूद केले होते. त्यानंतर वजन प्रशिक्षणाच्या मदतीने तिच्या प्रकृतीत सुधारणा झाल्याचे तिने सांगितले.
जून २०२६ मध्येच उर्फीच्या चेहऱ्यावर मोठ्या प्रमाणात सूज दिसून आली होती. त्यानंतर काही जणांनी फिलर्समुळे ही सूज आल्याचा दावा केला होता. मात्र, उर्फीने हे दावे फेटाळून लावत ॲलर्जी, तणाव आणि कोर्टिसोलची वाढलेली पातळी यामुळे चेहऱ्यावर सूज आल्याचे स्पष्ट केले होते.
Urfi Javed
जानेवारी २०२४ मध्येही उर्फीने ऑक्सिजन मास्क लावलेला फोटो सोशल मीडियावर शेअर केला होता. या फोटोमुळे तिच्या चाहत्यांमध्ये चिंता निर्माण झाली होती. मात्र, नंतर तिने ती पोस्ट डिलीट केली. आता पुन्हा एकदा उर्फीच्या रुग्णालयातील फोटोंनी चाहत्यांचे लक्ष वेधून घेतले आहे. चाहते ती लवकर बरी व्हावी यासाठी प्रार्थना करत आहेत. उर्फीने तिच्या इन्स्टाग्रामवरील पोस्ट हटवली आहे. त्यामुळे तिने असे का केले याविषयी चर्चा रंगली आहे.
