मुंबई – आपल्या विचित्र स्टाइलमुळे प्रसिद्धीच्या झोतात येणारी अभिनेत्री मॉडेल उर्फी जावेद आणि चर्चा हे जणू समीकरणच बनलं आहे. मात्र तिच्या या अतरंगी या फॅशनमुळे अभिनेत्रीला अनेकदा अडचणींचा सामना करावा लागतो. ट्रोलिंग पर्यंत तर ठीक आहे परंतु आता आपल्या स्टाइलमुळे उर्फीला अपमानास्पद वागणूक मिळाल्याचे समोर आले आहे. ज्याबाबत तिने स्वतः याबाबत आपल्या सोशल मीडियावरून माहिती दिली आहे.

उर्फीला ट्रोलिंग आणि वाद हे विषय काही नवीन नाहीत. अनेकदा तिला तिच्या कपड्यांवरून धमकीचे फोन देखील आलेले आहेत. एवढेच काय पण उर्फीच्या फॅशनवरून महाराष्ट्रात राजकारण देखील तापल्याच पाहायला मिळालं आहे. मात्र यावेळी काहीस वेगळं घडलं आहे. एका रेस्टोरंटमध्ये चक्क उर्फीला प्रवेश नाकारण्यात आला आहे. हे सर्व महाराष्ट्राची राजधानी असलेल्या मुंबईत घडलं आहे. उर्फीने आपल्या अधिकृत इंस्टाग्रामवरून याबाबतची माहिती दिली.

उर्फीने इंस्टाग्राम स्टोरीवर एक पोस्ट शेअर केली आहे, ज्यामध्ये तिने लिहिले, ‘मुंबईकरांनो, हे खरंच एकविसावे शतक आहे का? मला आज रेस्टॉरंटमध्ये प्रवेश नाकारण्यात आला. तुम्हाला माझी फॅशन आवडत नसेल तर ठीक आहे, पण तुम्ही यासाठी मला वेगळी वागणूक देऊ शकत नाही. जर तुम्ही देऊ इच्छित असाल तर सरळ सांगून टाका फालतू कारण देऊ नका” असं उर्फी आपल्या पोस्टमध्ये म्हणते.

उर्फीने बॉलिवूडचे दोन प्रसिद्ध डिझायनर अबू जानी आणि संदीप खोसला यांच्यासोबत काम केले आहे. उर्फीने या डिझायनरच्या फॅशन व्हिडिओ मेरा नूर है मशहूरमध्ये काम केले आहे.उर्फी जावेद कोलंबियाची गायिका करोलजी हिच्यासोबत काम करणार असल्याच्या बातम्या पूर्वी आल्या होत्या. एका इंग्रजी वृत्तपत्रानुसार उर्फी ही पहिली भारतीय आहे जिला करोलजी फॉलो करत आहे.

उर्फीची ही पोस्ट सोशल मीडियावर चांगलीच व्हायरल झाली आहे. यावेळी अनेकांनी उर्फी सोबत हेच व्हायला पाहिजे असं म्हणत तिला टार्गेट केलं आहे. तर काहींनी मुंबईत हे घडल्याने आश्चर्य व्यक्त केलं आहे. उर्फीच्या फॅन्सने मात्र याचा निषेध नोंदवला आहे. केवळ तिच्या कपड्यांमुळे उर्फीला वेगळी वागणूक देणं मान्य नसल्याचे अनेक फॅन्सने यावेळी म्हंटले आहे.