जामखेड (प्रतिनिधी ) : गणपती बाप्पाचे स्वागत घरोघरी जल्लोषात झाले असून वाजतगाजत गणरायाला घरी आणून विधिवत प्रतिष्ठापना केली जात असून, आता पुढचे दहा दिवस गणेशोत्सवाचा उत्साह दिसून येणार आहे. गणेशोत्सव शांततेत आणि सुरक्षित वातावरण पार पाडण्यासाठी विघ्नहर्त्याचे दूत असलेले जामखेड पोलीसही अलर्ट मोडवर आले आहेत. गणेशोत्सवाच्या पार्श्वभूमीवर शहरासह ग्रामीण भागात एक पोलीस निरीक्षक. दोन सहायक पोलीस निरीक्षक. एक पोलीस उपनिरीक्षक 25 पोलीस काॅन्स्टेबल तर 35 होमगार्ड. 5 महिला होमगार्ड फौजफाटा तैनात करण्यात आला आहे पोलिसांनी विघ्नसंतोषींवर प्रतिबंधात्मक कारवाई केली आहे. नागरिकांसह महिलांच्या सुरक्षेवर जामखेड पोलीसांनी यंदा विशेष भर दिला आहे. शहर व तालुक्यात एकूण 89 सार्वजनिक गणेश मंडळाच्या कार्यकर्त्यांनी मिरवणुका काढून श्री गणेशाची प्रतिष्ठापना केली आहे. गेल्या दोन तीन दिवस बाजारपेठा खरेदीसाठी फुलल्या आहेत. सकाळी घरा घरामध्ये श्री गणेशाची प्रतिष्ठापना करण्यात आली त्यानंतर सार्वजानिक गणेश मंडळानी श्री गणेशाची प्रतिष्ठापना केली. विविध वयोगटातील व्यक्तींचा उत्साह ओसंडून वाहत होता.घरगुती सजावट आणि मंडळाची देखावा सजावट पूर्ण करण्यात कार्यकर्ते गुंतले आहेत. दरम्यान जामखेड शहरासह तालुक्यातील कायदा व सुव्यवस्था अबाधित ठेवण्यासाठी जामखेड पोलीस स्टेशनचे पोलीस निरीक्षक महेश पाटील यांनी चांगलीच कंबर कसली असून त्याना याकामी सहायक पोलीस निरीक्षक नंदकुमार सोनवलकर. वर्षा जाधव सहकार्य करत आहेत. यावेळी शहरासह तालुक्यात पाहिलांदाच तगडा बंदोबस्त ठेवण्यात आला होता. तालुक्यातील नान्नज दुरक्षेत्र,पाटोदा बीट,साकत बीट,फक्राबाद बीट,राजुरी बीट,साकत बीट गावातही चांगला बंदोबस्त ठेवला होता. श्रीगणेशाच्या आगमनप्रसंगी कोणताही अनुचित प्रसंग निर्माण होऊ नये आणि कठीण प्रसंगात तो तत्काळ आवरता यावा म्हणून पोलीस प्रशासनही मोठ्या फाैजफाट्यासह शहराच्या विविध भागात सज्ज होते. रस्ता सुरळीत करणे, गर्दी निर्माण झाली तर ती तत्काळ निस्तारणे, श्री गणपतीचा रस्ता मोकळा करणे आदी कार्य कुशलनेते पोलीस व अन्य सुरक्षा यंत्रणा पार पाडत होते. पोलीस स्टेशनचे पोलीस निरीक्षक महेश पाटील. गोपनीय कक्षाचे पोलीस नाईक अविनाश ढेरे. पोलीस काॅन्स्टेबल प्रकाश जाधव. कंपनी चालक योगेश दळवी यांनी जातीने लक्ष देऊन चौकाचौकात फिरून बंदोबस्ताचा आढावा घेत होते. तर शहरातील तहसील कार्यालयासमोर बीड काॅनर, जयहिंद चौक, खर्डा चौक,बस स्थानक, मेन पेठ, तपनेश्वर रोड, बाजार तळ येथे पोलीस काॅन्स्टेबल प्रविण इंगळे.पोलीस नाईक संतोष कोपनर, जितेंद्र सरोदे, दिनेश गंगे, सचिन जाधव यासह पोलीस काॅन्स्टेबल वाहतूक पोलीस यासह होमगार्ड यांचा बंदोबस्त ठेवण्यात आला होता. यामुळे शहरात कोठेही अनुचित प्रकार घडला नाही.
