Maharashtra Politics : महाराष्ट्राच्या राजकारणात पुन्हा एकदा मोठ्या राजकीय घडामोडींची चर्चा सुरू झाली आहे. दोन्ही राष्ट्रवादी काँग्रेसच्या संभाव्य विलीनीकरणाच्या चर्चांदरम्यान आता उद्धव ठाकरे आणि एकनाथ शिंदे हे दोन्ही नेते पुन्हा एकत्र येणार का, असा प्रश्न उपस्थित केला जात आहे. (Maharashtra Politics)

शिंदे गटाचे नेते प्रताप सरनाईक यांनी ठाकरे गटाचे खासदार संजय राऊत यांची भेट घेतल्यानंतर या चर्चांना आणखी वेग आला आहे. त्यातच मंत्री गुलाबराव पाटील यांनी केलेल्या सूचक विधानामुळे राजकीय वर्तुळात चर्चांना उधाण आले आहे. (Maharashtra Politics)

‘इंजिन जिकडे जाईल, तिकडे डब्बा जाईल’

उद्धव ठाकरे आणि एकनाथ शिंदे पुन्हा एकत्र येणार का, असा प्रश्न गुलाबराव पाटील यांना विचारण्यात आला. त्यावर त्यांनी थेट शक्यता फेटाळून लावली नाही. ते म्हणाले, “मी काही सांगू शकत नाही. शेवटी मी आगगाडीचा डब्बा आहे. आमचे एकनाथ शिंदे इंजिन आहेत आणि इंजिन जिथे असतं, तिथे डब्बा असतो. त्यामुळे जिकडे आमचे इंजिन जाईल, तिकडे डब्बा जाईल.” गुलाबराव पाटील यांच्या या विधानामुळे शिंदे गटाची पुढील राजकीय भूमिका काय असेल, याबाबत तर्कवितर्क सुरू झाले आहेत. (Maharashtra Politics)

‘मी राष्ट्रवादीचा नेता नाही’

दरम्यान, उपमुख्यमंत्री सुनेत्रा पवार या शरद पवार यांची भेट घेणार असल्याच्या चर्चेवरही गुलाबराव पाटील यांनी प्रतिक्रिया दिली. कोणत्या नेत्याने कोणासोबत एकत्र यावे किंवा येऊ नये, हा त्यांचा वैयक्तिक विषय असल्याचे त्यांनी म्हटले. (Maharashtra Politics)

शरद पवार हे देशातील मोठे नेते आहेत. त्यांच्या प्रकृतीची विचारपूस करण्यासाठी सुनेत्रा पवार भेट घेऊ शकतात. यामागे अनेक कारणे असू शकतात, असेही त्यांनी सांगितले. राष्ट्रवादी काँग्रेसच्या विलीनीकरणाबाबत चर्चा सुरू असू शकते; मात्र आपण राष्ट्रवादीचे नेते नसल्याने त्याबाबत आपल्याला माहिती नसल्याचे गुलाबराव पाटील यांनी स्पष्ट केले. (Maharashtra Politics)

महाराष्ट्राच्या राजकारणात नव्या समीकरणांची चर्चा

एकीकडे राष्ट्रवादी काँग्रेसच्या दोन्ही गटांच्या संभाव्य विलीनीकरणाची चर्चा, तर दुसरीकडे शिवसेनेच्या दोन्ही गटांमधील संभाव्य जवळिकीबाबत तर्कवितर्क सुरू आहेत. प्रताप सरनाईक आणि संजय राऊत यांच्या भेटीनंतर गुलाबराव पाटील यांच्या विधानाने या चर्चांना आणखी हवा मिळाली आहे. (Maharashtra Politics)

मात्र, या भेटीगाठी आणि विधानांवरून राजकीय समीकरणे बदलल्याचा निष्कर्ष काढता येणार नाही. उद्धव ठाकरे आणि एकनाथ शिंदे पुन्हा एकत्र येणार का, हे आगामी काळात स्पष्ट होईल. (Maharashtra Politics)

Maharashtra Politics : राज्याच्या राजकारणात मोठी खळबळ..! राष्ट्रवादीचे २० ते २२ आमदार फुटणार?