व्यापारापासून अणु तंत्रज्ञानापर्यंत, ३ तासांत ५ मोठे करार ; यूएईच्या अध्यक्षांचा भारत दौरा किती यशस्वी?, वाचा
UAE President India visit। यूएईचे अध्यक्ष शेख मोहम्मद बिन झायेद अल नाह्यान यांच्या सुमारे तीन तासांच्या भारत दौऱ्यामुळे दोन्ही देशांमधील नवीन धोरणात्मक भागीदारीला चालना मिळाली. पंतप्रधान नरेंद्र मोदी यांच्यासोबतच्या त्यांच्या भेटीमुळे व्यापारापासून ते अणु तंत्रज्ञानापर्यंतचे पाच मोठे करार झाले, जे द्विपक्षीय संबंध अधिक मजबूत करण्यासाठी एक मैलाचा दगड ठरू शकतात.
परराष्ट्र सचिव विक्रम मिस्री यांनी दिली माहिती UAE President India visit।
पत्रकारांना संबोधित करताना परराष्ट्र सचिव विक्रम मिस्री यांनी हे करार शेअर केले. त्यांनी सांगितले की, बैठकीत संरक्षण, ऊर्जा, अन्न सुरक्षा आणि तंत्रज्ञानावर चर्चा झाली. शिवाय, पंतप्रधान मोदी आणि यूएईच्या अध्यक्षांनी २०३२ पर्यंत द्विपक्षीय व्यापार २०० अब्ज डॉलर्सपर्यंत दुप्पट करण्याचे ध्येय ठेवले. संरक्षण क्षेत्रातील धोरणात्मक सहकार्याला विशेष लक्ष देण्यात आले, ज्यात ब्राह्मोस क्षेपणास्त्र करार आणि संयुक्त लष्करी सराव यांचा समावेश आहे.
#WATCH | Delhi: On the visit of the President of the UAE, Sheikh Mohamed bin Zayed Al Nahyan, Foreign Secretary Vikram Misri says, "The talks between the leaders were characterised by the warmth and special friendship between the two leaders that has become a characteristic of… pic.twitter.com/dKRFgJtzID
— ANI (@ANI) January 19, 2026
परराष्ट्र सचिवांनी दोन्ही नेत्यांच्या भेटीविषयी माहिती देताना,” नागरी अणु सहकार्याअंतर्गत, प्रगत अणुभट्ट्यांच्या विकास आणि तैनातीत भागीदारीवर चर्चा झाली, तर यूएई दरवर्षी भारताला ०.५ दशलक्ष मेट्रिक टन एलएनजीचा पुरवठा सुनिश्चित करेल. अन्न सुरक्षा मजबूत करण्यासाठी आणि भारतात सुपरकॉम्प्युटिंग क्लस्टर स्थापित करण्यासाठी देखील करार झाले” अशी माहिती दिली बैठकीत पश्चिम आशियातील सध्याच्या परिस्थितीवरही चर्चा झाली, परंतु परराष्ट्र सचिवांनी स्पष्टपणे सांगितले की भारताचा या प्रदेशातील घडामोडींमध्ये थेट सहभागी होण्याचा कोणताही हेतू नाही.
भारताचे राजनैतिक यश UAE President India visit।
शांतता आणि स्थिरता वाढविण्यासाठी एक पाऊल म्हणून त्यांनी युएईसोबतचे सहकार्य अधोरेखित केले. इतक्या कमी कालावधीत अशा व्यापक करारांची पूर्तता दोन्ही देशांच्या दृढ वचनबद्धतेचे प्रतिबिंबित करते, त्यामुळे या भेटीला राजनैतिक यश मानले जात आहे. तज्ञांचा असा विश्वास आहे की या पावलांमुळे भारताची ऊर्जा सुरक्षा आणि तांत्रिक क्षमता वाढतील.
