Operation Tiger : राज्याच्या राजकारणात चर्चेत असलेल्या ‘ऑपरेशन टायगर’ला नवा ट्विस्ट मिळाला आहे. शिवसेना (उद्धव बाळासाहेब ठाकरे) पक्षातील काही खासदार शिंदे गटात जाणार असल्याच्या चर्चांदरम्यान, दोन खासदारांनी अशा चर्चांना स्पष्टपणे नकार दिला आहे. (Operation Tiger)

नाशिकचे खासदार राजाभाऊ वाजे आणि मुंबई ईशान्यचे खासदार संजय दिना पाटील यांनी आपण उद्धव ठाकरे यांच्यासोबतच असल्याचे सांगत पक्षांतराच्या चर्चांचे खंडन केले आहे. (Operation Tiger)

राजाभाऊ वाजे यांनी माध्यमांशी बोलताना, “मी उद्धवजींसोबत आहे आणि त्यांच्यासोबतच राहणार आहे. माझा इतर कोणाशीही संपर्क नाही. शिंदे गटाकडूनही कोणताही संपर्क झालेला नाही. मी नाराज नाही. समितीच्या बैठकीसाठी दिल्लीत आलो आहे,” असे स्पष्ट केले. (Operation Tiger)

दरम्यान, संजय दिना पाटील यांनीही शिंदे गटात प्रवेश करणार नसल्याचे सांगितल्याची माहिती समोर आली आहे. तसेच अनिल देसाई आणि अरविंद सावंत हे देखील ठाकरे यांच्यासोबतच राहतील, अशी चर्चा राजकीय वर्तुळात आहे. (Operation Tiger)

‘ऑपरेशन टायगर’ची चर्चा कायम   (Operation Tiger)

गेल्या काही दिवसांपासून ठाकरे गटातील काही खासदार स्वतंत्र गट स्थापन करून शिंदे गटात जाणार असल्याच्या चर्चा सुरू आहेत. मात्र, या संदर्भात अद्याप कोणतीही अधिकृत घोषणा झालेली नाही. (Operation Tiger)

दरम्यान, शिवसेना (उद्धव बाळासाहेब ठाकरे) पक्षाच्या सर्व लोकसभा खासदारांची बैठक दिल्लीत बोलावण्यात आली आहे. या बैठकीनंतर पुढील राजकीय भूमिका स्पष्ट होण्याची शक्यता व्यक्त केली जात आहे.

संजय राऊतांचा गंभीर आरोप   (Operation Tiger)

दरम्यान, खासदार संजय राऊत यांनी काही खासदारांना पक्षांतरासाठी आर्थिक आमिष दाखवण्यात आल्याचा आरोप केला आहे. त्यांच्या दाव्यानुसार, प्रत्येक खासदारासाठी मोठी रक्कम ऑफर करण्यात आली आहे. (Operation Tiger)