Shiv Sena UBT : गोकुळच्या अध्यक्ष निवडणुकीत महायुतीच्या राजेश पाटील यांची निवड करण्यात आली. चार शासन नियुक्त सदस्यांना अध्यक्ष निवडीचा अधिकार मिळाल्यानंतर ही निवड झाली. या निवडीवरुन विरोधकांनी तीव्र आक्षेप नोंदवला. या संपूर्ण घटनेवरून उद्धव ठाकरेंच्या शिवसेनेने जोरदार हल्लाबोल केला आहे.

कोल्हापुरात दोन ‘वळू’ मोकाट सुटले

शिवसेनेच्या सामना या वृत्तपत्रातून महायुतीच्या दोन मंत्र्यांवर घणाघाती टीका करण्यात आली आहे. “हसन मुश्रीफ व चंद्रकांत पाटील यांनी ‘गोकुळ’च्या निमित्ताने दाखवलेली चरबी ही मस्तवाल ‘वळू’गिरी आहे. वळू हा मोकाट सोडलेला मस्तवाल प्राणी असतो. तो नांगरणीच्या कामाचा नसतो. कुणाच्याही शेतात, बांधावर, भाजी बाजारात घुसून तोंड घालतो. फुकटचं पोटभर खाल्ल्याने वळू नेहमी मस्तीत असतो व रस्त्याच्या मधोमध ठिय्या मांडून बसतो. येणाऱ्या–जाणाऱ्यांची त्यामुळे अडचण होते. हसन मुश्रीफ व चंद्रकांत दादा हे त्या वळूप्रमाणे फुकटात ‘गोकुळ’मध्ये घुसून हुंदडत आहेत. पराभव होऊनही सत्तेवर बसलेले हे ‘वळू’ महाराष्ट्रात थट्टेचा विषय ठरले आहेत. कोल्हापुरात दोन ‘वळू’ मोकाट सुटले आहेत. त्यांच्यापासून लोकशाहीला धोका आहे. त्यांचा बंदोबस्त करावाच लागेल.”

निवडणूक ताब्यात घेतली

‘गोकुळ’च्या निमित्ताने महाराष्ट्राच्या राजकीय इभ्रतीची लक्तरे वेशीवर टांगण्याचे राज्यातील सत्ताधाऱ्यांचे कार्य तडीस गेले आहे. कोल्हापुरातील दोन वळू व मुख्यमंत्रीपदावरील एका ‘चालू’ इसमाने मिळून नियम, कायदा, लोकशाहीचे पुरते धिंडवडे काढले. सतेज पाटील यांच्या आघाडीचे बहुमत असतानाही चालू व वळू यांनी मिळून निवडणूक ताब्यात घेतली व स्वतःचा अध्यक्ष गोकुळवर लादला. हायकोर्टालाही ही बाब खटकली नाही व त्यांनी गोकुळवर लादलेल्या चार सदस्यांना मान्यता दिली.” असं म्हणत संताप व्यक्त केला.

अमित शहांच्या कृपेने सत्तेची खुर्ची मिळाली

“पाटील यांना कोल्हापुरातून निवडणूक लढण्याची हिंमत नसल्याने ते पुण्यातील कोथरूड येथून निवडणूक लढतात. ते काही जनतेचे नेते नाहीत व आतापर्यंत कोणती संस्था त्यांनी उभी केली नाही की चालवली नाही. आज अमित शहांच्या कृपेने सत्तेची खुर्ची मिळाली म्हणून ते आव्हानाची भाषा करत आहेत.” असं म्हणत चंद्रकांत पाटील यांच्यावर निशाणा साधला.

फुकटचं पोटभर खाल्ल्याने वळू नेहमी…

“फडणवीस यांना सांगून साम्राज्य उद्ध्वस्त करू असे चंद्रकांत पाटील म्हणतात. ही धमकी आहे व सत्ता आहे म्हणून ते ही भाषा वापरत आहेत. हसन मुश्रीफ व चंद्रकांत पाटील यांनी ‘गोकुळ’च्या निमित्ताने दाखवलेली चरबी ही मस्तवाल ‘वळू’गिरी आहे. वळू हा मोकाट सोडलेला मस्तवाल प्राणी असतो. तो नांगरणीच्या कामाचा नसतो. कुणाच्याही शेतात, बांधावर, भाजी बाजारात घुसून तोंड घालतो. फुकटचं पोटभर खाल्ल्याने वळू नेहमी मस्तीत असतो व रस्त्याच्या मधोमध ठिय्या मांडून बसतो. येणाऱ्या-जाणाऱ्यांची त्यामुळे अडचण होते. हसन मुश्रीफ व चंद्रकांत दादा हे त्या वळूप्रमाणे फुकटात ‘गोकुळ’मध्ये घुसून हुंदडत आहेत. पराभव होऊनही सत्तेवर बसलेले हे ‘वळू’ महाराष्ट्रात थट्टेचा विषय ठरले आहेत.” असं म्हणत खोचक टोला लगावला.

पाटील हेसुद्धा एकेकाळी मोडक्या सायकलवर फिरत होते

चंद्रकांत पाटील हे ‘वळवळू’न बोलले की, ‘‘सतेज पाटील यांचे वडील डी.वाय. पाटील हे कोल्हापुरात स्कूटरवरफिरताना आम्ही पाहिलंय. आता त्यांचे इतके मोठे साम्राज्य कसे उभे राहिले? ते उद्ध्वस्त करू.’’ यावर पुण्याच्या रवींद्र धंगेकर यांनी पाटलांना उत्तर दिले, ‘‘मग तुम्ही काय किर्लोस्करांचे नातू-बितू होता की काय?’’ हा सवाल बिनतोड आहे. पाटील हेसुद्धा एकेकाळी मोडक्या सायकलवर फिरत होते व अमित शहांच्या कृपेने ते आता गडगंज बनले. जिंकण्यासाठी कोटय़वधी रुपये ते खर्च करतात. हा पैसा येतो कोठून? असा सवाल उपस्थित करण्यात आला आहे.

“डी. वाय. पाटील यांनी मोठे शैक्षणिक संस्थान उभे केले. त्याचा मराठी माणसाला गर्वच असायला हवा. या गौरवशाली कार्याबद्दल पाटील-मुश्रीफांच्या पोटात का दुखावे? दुसऱ्याच्या भरभराटीची पोटदुखी हा भाजपवाल्यांचा जुना आजार आहे. दुसरे ‘वळू’ मुश्रीफ हे ‘ईडी’च्या भीतीने पार्श्वभागाला पाय लावून पळाले व भाजपच्या तंबूत घुसले. त्यांचे शरीर वाघाचे आणि काळीज उंदराचे आहे. तेही सत्ता आहे म्हणून वल्गना करत आहेत. कोर्टाने चार नामनियुक्त सदस्यांच्या विरोधात निर्णय दिला तर फडणवीस यांना सांगून ‘गोकुळ’वर प्रशासक नेमू ही भाषा एका मंत्र्याची नसून गावात मोकाट सोडलेल्या ‘वळू’ची आहे. कोल्हापुरात दोन ‘वळू’ मोकाट सुटले आहेत. त्यांच्यापासून लोकशाहीला धोका आहे. त्यांचा बंदोबस्त करावाच लागेल.” असं म्हणत या लेखाचा शेवट केला आहे.

Sunil Tatkare : राष्ट्रवादीत नेमकं काय सुरू? सुनील तटकरेंनी घेतली मुख्यमंत्री फडणविसांची भेट