Hemant Dhome : मेघना गुलजार दिग्दर्शित दायरा हा सिनेमा आजपासून (१७ सप्टेंबर) चित्रपटागृहात प्रदर्शित करण्यात आला आहे. या चित्रपटात बॅालिवूड अभिनेत्री करीना कपूर आणि पृथ्वीराज सुकुमारन मुख्य भूमिकेत आहेत.

मराठीमोळी अभिनेत्री क्षिती जोग सिनेमात विशेष भूमिकेत झळकली आहे. तिचा सिनेमातील अभिनय पाहिल्यानंतर तिचा पत्नी अभिनेता आणि दिग्दर्शक हेमंत ढोमे यांनी सोशल मीडियावरुन पोस्ट शेअर करत बायकोच्या कामाचे कौतुक केले आहे.

“तू अफाट कॅलीबर असलेली अभिनेत्री आहेस हे मला आणि अनेकांना माहीत होतंच…पण आता जे दायरा मधील तुझं काम बघतील तेही या यादीत जोडले जातील… जोडले जात आहेत… आज तुझं कौतुक बघून मन येड्यासारखं खूष आहे…” अशा शब्दांत हेमंतने आपल्या भावना व्यक्त केल्या आहेत. तसेच दायरा हा सिनेमा पाहण्याचे आवाहनही त्याने पोस्टमधून केले आहे.

नेमकं काय म्हणाला हेमंत?  (Hemant Dhome)

हेमंतने त्याच्या इंन्स्टाग्रामवरुन एक पोस्ट शेअर केली आहे. या पोस्टमध्ये तो म्हणतो “तुझ्या ताकदीचा दायरा! आपल्या माणसाचं काम आपण सेलीब्रेट केलंच पाहिजे! तेव्हा न लाजता बोलून घेतो! तू अफाट कॅलीबर असलेली अभिनेत्री आहेस हे मला आणि अनेकांना माहीत होतंच…पण आता जे दायरा मधील तुझं काम बघतील तेही या यादीत जोडले जातील… जोडले जात आहेत… आज तुझं कौतुक बघून मन येड्यासारखं खूष आहे…क्षिती ही तर सुरूवात आहे… तुला अजून खूप काही करायचं आहे…माझ्यासकट सगळ्यांनाच तुझी अशीच सरस कामं बघायची आहेत..

 

View this post on Instagram

 

A post shared by Hemant Dhome | हेमंत ढोमे (@hemantdhome21)

तू चाल पुढं… मी आहेच! तुझं प्रत्येक कमाल काम सेलीब्रेट करायला कायम…त्या अनेक टाळ्यांमधली सगळ्यात जोरात आवाज करणारी टाळी आपलीच असणार मालकीणबाई! खूप खूप प्रेम आणि प्रचंड अभिमान! अशा पोस्टचा शेवट हेमंतने केला आहे. (Hemant Dhome)

दायरा हा एक क्राइम-थ्रिलर सिनेमा आहे. सिनेमाची कथा एका वादग्रस्त प्रकरणाच्या तपासाभोवती केंद्रीत असून, सत्य, कायदा, जबाबदारी आणि न्यायाच्या नैतिक मर्यादा या मुद्यांना अधोरिखेत करण्याचे काम करते.

Pune News : बंदुकीचा धाक दाखवून बलात्कार करणाऱ्याचा जामीन फेटाळला