Kareena Kapoor : बॉलिवूड अभिनेत्री करीना कपूर खान आपल्या अभिनयासह खास एक्स्प्रेशन आणि स्पष्टवक्तेपणासाठीही ओळखली जाते. बऱ्याच कालावधीनंतर ती पुन्हा एकदा मोठ्या पडद्यावर कमबॅक करण्यासाठी सज्ज झाली आहे. तिच्या आगामी ‘दायरा’ या चित्रपटाचा ट्रेलर नुकताच प्रदर्शित झाला असून, या ट्रेलर लाँ सोहळ्यातील करीनाचा एक व्हिडीओ सध्या सोशल मीडियावर चांगलाच व्हायरल होत आहे.

सोमवारी मुंबईत ‘दायरा’ चित्रपटाचा भव्य ट्रेलर लाँच सोहळा पार पडला. या कार्यक्रमाला करीना कपूर खानसह साऊथ सुपरस्टार पृथ्वीराज सुकुमारन, दिग्दर्शिका मेघना गुलजार आणि चित्रपटाशी संबंधित इतर कलाकार व मान्यवर उपस्थित होते. नेहमीप्रमाणेच करीनाने आपल्या आकर्षक लूकने सर्वांचे लक्ष वेधून घेतले. मात्र, कार्यक्रमादरम्यान घडलेल्या एका प्रसंगामुळे ती पापाराझींवर भडकल्याचे दिसत आहे.

या कार्यक्रमात चित्रपटातील कलाकार, दिग्दर्शिका आणि निर्माते ग्रुप फोटोसेशनसाठी एकत्र आले होते. यावेळी फोटो काढण्यासाठी पापाराझी कलाकारांना कधी एका बाजूला तर कधी दुसऱ्या बाजूला उभे राहण्यास सांगत होते. पापाराझींचा हा सततचा गोंधळ आणि सूचना करीनाला मात्र अजिबात पसंत पडल्या नाहीत. ग्रुप फोटोमध्ये करीना एका बाजूला उभी होती, तर अभिनेता पृथ्वीराज सुकुमारन दुसऱ्या बाजूला होता. यावेळी पापाराझींनी करीनाला दुसऱ्या बाजूला जाऊन उभे राहण्यास तसेच सेंटरकडे पाहण्यास सांगितले. वारंवार होणाऱ्या या सूचनांमुळे करीनाचा संयम सुटला आणि ती पापाराझींवर चांगलीच भडकली.

संतापलेल्या करीनाने पापाराझींसमोर हात जोडत म्हटले, “हेच सेंटर आहे, कधी इथे तर कधी तिथे… हील्स घातल्या आहेत मी, असे म्हणत तिने आपली नाराजी व्यक्त केली. त्यानंतर ती तेथून निघून जात असल्याचेही व्हिडीओमध्ये दिसते. मात्र, पुन्हा फोटोसाठी तिला बोलावण्यात आले. दरम्यान, करीनाचा हा व्हिडिओ सोशल मीडियावर मोठ्या प्रमाणात व्हायरल होत आहे. चाहत्यांकडून त्यावर विविध प्रतिक्रिया दिल्या जात आहेत.

 

View this post on Instagram

 

A post shared by Bollywood Five (@bollywoodfive)

करीना कपूर खानच्या आगामी ‘दायरा’ या चित्रपटात तिच्यासोबत पृथ्वीराज सुकुमारन मुख्य भूमिकेत दिसणार आहे. याशिवाय जितेंद्र जोशी, क्षिती जोग, संदीप कुलकर्णी आणि तृप्ती खामकर यांच्याही महत्त्वाच्या भूमिका आहेत. या चित्रपटाचा ट्रेलर प्रेक्षकांचे लक्ष वेधून घेत असून, ‘दायरा’ हा चित्रपट १८ सप्टेंबर २०२६ रोजी चित्रपटगृहांमध्ये प्रदर्शित होणार आहे.

Kareena Kapoor

दिग्दर्शक मेघना गुलजार दिग्दर्शित ‘दायरा’ हा एक दमदार क्राईम-थ्रिलर चित्रपट आहे. या चित्रपटात करीना कपूर खान आणि पृथ्वीराज सुकुमारन हे पहिल्यांदाच एकत्र मोठ्या पडद्यावर दिसणार आहेत. सत्य घटनांपासून प्रेरित असलेल्या या चित्रपटात गुन्हे, कायदा, न्याय यांसारख्या गंभीर विषयांचा वेध घेण्यात आला आहे. करीना आणि पृथ्वीराज हे दोन पोलिस अधिकारी वेगवेगळ्या भूमिकांमध्ये आणि एकमेकांसमोर उभे ठाकल्याचे दिसते.

Badshah Divorce: लग्नाच्या अवघ्या ५ महिन्यांत बादशाहचा घटस्फोट, ईशा रिखीसोबतचं नातं संपवलं; म्हणाला…