Trump-Zelensky Clash । अमेरिकेचे अध्यक्ष डोनाल्ड ट्रम्प आणि युक्रेनचे अध्यक्ष वोलोदिमिर झेलेन्स्की यांच्यात ओव्हल ऑफिसमध्ये चांगलीच खडाजंगी झाल्याचे दिसून आले. दोन्ही नेत्यांमध्ये ऑन कॅमेरा शाब्दिक वाद झाल्याचे जगाने पाहिले. आता या वादानंतर शांतता करार बिघडला आहे.तर दुसरीकडे या वादानंतर युरोपीय नेत्यांनी झेलेन्स्कीला पाठिंबा दर्शविला आहे. युक्रेनला ‘या’ देशांचा पाठिंबा Trump-Zelensky Clash । फ्रान्सचे अध्यक्ष इमॅन्युएल मॅक्रॉन यांनी रशियाला आक्रमक म्हणत, ‘रशिया हा आक्रमक आहे आणि युक्रेन हा बळी पडलेला राष्ट्र आहे.’ युक्रेन आपल्या प्रतिष्ठेसाठी, स्वातंत्र्यासाठी, आपल्या मुलांच्या आणि युरोपच्या सुरक्षेसाठी लढत आहे, असेही त्यांनी सांगितले. तर जर्मन चांसलर ओलाफ स्कोल्झ यांनी युक्रेनला आश्वासन देत युक्रेन जर्मनी आणि युरोपवर अवलंबून राहू शकतो. स्पेन आणि पोलंडच्या पंतप्रधानांनीही झेलेन्स्की यांच्याशी एकता व्यक्त करत “तुम्ही एकटे नाही आहात.” असे म्हणत त्यांच्या सोबत आपण असल्याचे म्हटले आहे. तर युरोपियन कमिशनच्या अध्यक्षा उर्सुला वॉन डेर लेयन यांनी उत्तर दिले : “प्रिय राष्ट्रपती, तुम्ही कधीही एकटे नसता.” “तुमची प्रतिष्ठा युक्रेनियन लोकांच्या शौर्याचा सन्मान करते. बलवान व्हा, शूर व्हा, निर्भय व्हा. न्याय्य आणि शाश्वत शांततेसाठी आम्ही तुमच्यासोबत काम करत राहू,” असे म्हणत त्यांनी सोशल मीडियावर युक्रेनला समर्थन देणारी पोस्ट केली आहे. जॉर्जिओ मेलोनींकडून शिखर परिषदेचे आवाहन आजच्या मोठ्या आव्हानांना आपण कसे तोंड द्यायचे याबद्दल उघडपणे चर्चा करण्यासाठी इटलीच्या पंतप्रधान जॉर्जिओ मेलोनी यांनी अमेरिका, युरोपीय राज्ये आणि मित्र राष्ट्रांमध्ये तातडीने शिखर परिषद आयोजित करण्याचे आवाहन केले. नॉर्वेचे पंतप्रधान जोनास गाहर यांनी शुक्रवारी व्हाईट हाऊसमधील घटना गंभीर आणि निराशाजनक असल्याचे वर्णन केले. ट्रम्प यांनी मोठी कारवाई केली Trump-Zelensky Clash । या घटनेनंतर, अमेरिकन अधिकाऱ्यांनी युक्रेनला पुरवल्या जाणाऱ्या मदतीतील संभाव्य फसवणूक आणि गैरवापराची चौकशी तीव्र करण्याचा निर्णय घेतला आहे. एलॉन मस्क आणि त्यांचे ‘सरकारी कार्यक्षमता विभाग’ आधीच या बाबींची चौकशी करत होते, परंतु आता या प्रयत्नांना गती दिली जाणार असल्याचे म्हटले जात आहे. झेलेन्स्कीवर अमेरिकेचा अपमान केल्याचा आरोप उपाध्यक्ष जेडी व्हान्स यांनी झेलेन्स्की यांच्यावर अमेरिकेचा अपमान केल्याचा आरोप केला. म्हणून ट्रम्प यांनी युक्रेनियन राष्ट्राध्यक्षांना अनेक वेळा अडवले आणि फटकारले. ट्रम्प यांनी झेलेन्स्कीवर तिसऱ्या महायुद्धावर जुगार खेळल्याचा आरोपही केला. यानंतर, संतप्त झेलेन्स्की जलद पावलांनी बाहेर पडताना दिसला.
