Trump Tariff Row । अमेरिकेचे अध्यक्ष डोनाल्ड ट्रम्प यांनी चीनमधून येणाऱ्या सर्व वस्तूंवर १०४% कर लादण्याच्या निर्णयावर चीनने तीव्र नाराजी व्यक्त केली आहे. चीनचे पंतप्रधान ली केकियांग यांनी याविषयी प्रतिक्रिया देत “चीन अशा परिस्थितींना तोंड देण्यासाठी पूर्णपणे तयार आहे आणि देश कोणत्याही प्रकारच्या नकारात्मक बाह्य प्रभावांना तोंड देण्यास सक्षम आहे.” असे म्हटले आहे. त्यांच्या या प्रतिक्रियेवरून आता चीन कोणत्याही परिस्थितीत अमेरिकेपुढे झुकणार नसल्याचे दिसत आहे.

चीनच्या आर्थिक धोरणांची मजबूत बाजू Trump Tariff Row । 

ली कियांग यांनी  अमेरिकेने लावलेल्या करावर प्रतिक्रिया देताना, चीनची सध्याची आर्थिक धोरणे या वर्षी उद्भवू शकणाऱ्या विविध अनिश्चितता पूर्णपणे विचारात घेतात. तसेच चीनने आपल्या आर्थिक योजनांमध्ये प्रत्येक परिस्थितीसाठी तयारी केली आहे, जेणेकरून कोणत्याही बाह्य संकटाचा किंवा आर्थिक धक्क्याचा देशाच्या अर्थव्यवस्थेवर परिणाम होणार नाही.” असे म्हटले आहे.

२०२५ मध्ये आर्थिक वाढीबद्दल विश्वास

पंतप्रधान ली केकियांग यांनी,”२०२५ मध्ये चीनला आपल्या अर्थव्यवस्थेच्या ताकदी आणि वाढीबद्दल विश्वास आहे. बाह्य दबाव वाढला तरीही चीनची अर्थव्यवस्था निरोगी आणि स्थिर राहील असा विश्वास त्यांनी यावेळी व्यक्त केला.

चीनच्या मजबूत भूमिकेवर जागतिक विश्वास

मंगळवारी युरोपियन कमिशनच्या अध्यक्षा उर्सुला वॉन डेर लेयन यांच्याशी झालेल्या फोन कॉलमध्ये ली केकियांग यांनी आर्थिक परिस्थितीबाबत चीनची ठाम भूमिका व्यक्त केली. ते म्हणतात की “चीन कोणत्याही बाह्य संकटाचा सामना करण्यास पूर्णपणे तयार आहे आणि देशाच्या धोरणांमध्ये बदल करण्याची गरज नाही. चीनचा हा संदेश जागतिक स्तरावर सांगतो की आर्थिक आव्हानांना तोंड देण्यास ते तयार आहे आणि या आव्हानांना न जुमानता आपली स्थिरता आणि वाढ राखण्यास सक्षम असेल.

काय प्रकरण आहे? Trump Tariff Row । 

अमेरिकेने चीनमधून येणाऱ्या सर्व वस्तूंवर जास्त कर लादण्याचा निर्णय घेतला आहे. व्हाईट हाऊसने ८ एप्रिल रोजी सांगितले की आता चीनमधून येणाऱ्या इलेक्ट्रिक वाहनांवर १०४% कर लावला जाईल. हा नवीन कर ९ एप्रिलच्या मध्यरात्रीपासून लागू झाला आहे.

चीनसोबत सुरू असलेल्या व्यापार युद्धात अमेरिकेचे हे पाऊल आतापर्यंतचे सर्वात मोठे आणि कठीण निर्णय मानले जात आहे.  व्हाईट हाऊसच्या प्रेस सेक्रेटरी कॅरोलिन लेविट म्हणाल्या की, चीनने अद्याप अमेरिकेवर लादलेले कर हटवलेले नाहीत. याच कारणास्तव, अमेरिकेने आता ९ एप्रिलपासून चीनमधून येणाऱ्या वस्तूंवर एकूण १०४ टक्के कर लादण्याचा निर्णय घेतला आहे.

कर तीन भागात विभागलेला आहे

अमेरिकेने आता चीनमधून येणाऱ्या वस्तूंवर एकूण १०४ टक्के कर लादला आहे, जो तीन भागात विभागला गेला आहे. प्रथम, या वर्षाच्या सुरुवातीला २० टक्के कर लादण्यात आला. त्यानंतर, २ एप्रिल रोजी, ‘परस्पर शुल्क’ अंतर्गत आणखी ३४ टक्के कर लादण्यात आला. आता, डोनाल्ड ट्रम्प यांनी ५० टक्के नवीन कर जोडला आहे. या तिन्ही करांना एकत्रित करून एकूण कर १०४ टक्के झाला आहे, जो चीनमधून आयात केलेल्या वस्तूंवर लागू होणार आहे.