Trump ceasefire credit। अमेरिकेचे राष्ट्राध्यक्ष डोनाल्ड ट्रम्प यांनी पुन्हा एकदा भारत आणि पाकिस्तानमधील युद्धबंदीचे श्रेय घेतले आहे. याविषयी बोलताना त्यांनी असा दावा केला की, “त्यांनी व्यापाराद्वारे भारत-पाकिस्तान वाद सोडवला” ट्रम्प म्हणाले की, “सात युद्धे संपवल्याबद्दल त्यांना नोबेल शांतता पुरस्कार मिळाला पाहिजे. त्यांनी पुढे बोलताना,”आम्ही पुन्हा एकदा जागतिक स्तरावर अशा गोष्टी करत आहोत ज्यांसाठी आमचा आदर केला जात आहे ज्यांच्या पातळीवर आम्हाला कधीही आदर मिळाला नाही.”असे म्हटले.

शनिवारी अमेरिकन कॉर्नरस्टोन इन्स्टिट्यूटच्या संस्थापकांच्या रात्रीच्या जेवणात ट्रम्प यांनी,”आम्ही शांतता करार करत आहोत आणि युद्धे थांबवत आहोत. म्हणूनच आम्ही भारत आणि पाकिस्तान आणि थायलंड आणि कंबोडियामधील युद्धे थांबवली.”असे ते म्हणाले. पुढे ते म्हणाले, “भारत आणि पाकिस्तानबद्दल विचार करा. मी युद्ध कसे थांबवले? तुम्हाला माहिती आहे का मी ते व्यापाराद्वारे थांबवले? कारण त्यांना व्यवसाय करायचा आहे. आणि मी दोन्ही नेत्यांचा खूप आदर करतो.”असे म्हटले.  Trump ceasefire credit। 

एका वृत्तसंस्थेच्या वृत्तानुसार, अमेरिकन राष्ट्राध्यक्षांनी दावा केला की, “पाहा, आम्ही भारत-पाकिस्तान, थायलंड-कंबोडिया, आर्मेनिया-अझरबैजान, कोसोवो-सर्बिया, इस्रायल-इराण, इजिप्त-इथिओपिया आणि रवांडा-काँगो सारखी अनेक युद्धे रोखली आहेत. आणि त्यापैकी ६० टक्के युद्धे व्यापारामुळे रोखली गेली.” असे म्हटले गेले.

ट्रम्प पुढे म्हणाले,”जर त्यांनी रशिया आणि युक्रेनमधील संघर्ष थांबवला तर त्यांना नोबेल पारितोषिक मिळायला हवे असे त्यांना सांगण्यात आले होते. त्यांनी विचारले की त्यांनी थांबवलेल्या इतर सात युद्धांसाठी त्यांना काय मिळेल. “प्रत्येक युद्ध थांबवल्याबद्दल मला नोबेल पारितोषिक मिळायला हवे,” तो म्हणाला. “पण जर तुम्ही रशिया-युक्रेन युद्ध थांबवले तर तुम्हाला नोबेल पारितोषिक मिळेल असे मला सांगण्यात आले.”

ट्रम्प म्हणाले की, त्यांना वाटते की रशिया-युक्रेन संघर्ष सोडवणे सोपे होईल कारण त्यांचे राष्ट्राध्यक्ष पुतिन यांच्याशी चांगले संबंध आहेत. ते म्हणाले, “मी पुतिन यांच्यावर खूप निराश आहे. मला वाटले की हे सर्वात सोपे असेल, परंतु आम्ही ते कसे तरी सोडवू.” Trump ceasefire credit।