मायविले : लेखक सलमान रश्दी यांना चाकूने वार करण्याचा प्रयत्न केल्याच्या आरोपाखालील व्यक्तीवरील खटल्याला सोमवारपासून सुरुवात झाली. पश्चिम न्यू यॉर्कमध्ये एका व्याख्यानाच्या प्रेक्षकांसमोर हा हल्ला करण्यात आला होता. रश्दी हे हादी मातरच्या खटल्यादरम्यान साक्ष देण्याची अपेक्षा आहे, ज्यामुळे रश्‍दी यांना दोन वर्षांहून अधिक काळानंतर पहिल्यांदाच त्याच्या चाकूधारी हल्लेखोरासमोर आणता येईल.

ऑगस्ट २०२२ मध्ये बुकर पारितोषिक विजेते लेखक रश्दी लेखकांना हानीपासून वाचवण्याबद्दल बोलणार होते. तेव्हा चौटौक्वा इन्स्टिट्यूशन अ‍ॅम्फीथिएटरच्या व्यासपीठावर मातर त्यांच्याकडे धावत आला आणि त्यांच्यावर चाकूने वार केले. मातरने रश्दीच्या मानेवर, पोटावर, छातीवर, हातावर आणि उजव्या डोळ्यावर डझनभराहून अधिक वार केले, त्यामुळे ते अंशतः अंध झाले आणि एका हाताला कायमचे नुकसान झाले आहे.

भारतीय वंशाच्या ब्रिटिश-अमेरिकन लेखक असलेल्या रश्‍दी यांनी गेल्या वर्षी प्रकाशित झालेल्या त्यांच्या ‘नाइफ: मेडिटेशन्स आफ्टर एन अटेम्प्टेड मर्डर’ या आत्मचरित्रात हल्ल्याचा आणि त्यांच्या दीर्घ, वेदनादायक अनुभवाचा तपशीलवार उल्लेख केला आहे. १९८९ मध्ये लिहिलेल्या द सॅटॅनिक व्हर्सेस या कादंबरीला अनेक मुस्लिमांनी ईशनिंदक म्हणून टीका केली होती. इराणच्या अयातुल्ला रुहोल्लाह खोमेनी यांनी त्यांच्या मृत्युदंडाचा फतवा काढल्यापासून रश्दींना त्यांच्या सुरक्षेची चिंता होती.