Tree Plantation – मुख्यमंत्री देवेंद्र फडणवीस यांच्या वाढदिवसाचे औचित्य साधून दौंड तालुक्यात पर्यावरण संवर्धन आणि ‘हरित दौंड’ या संकल्पनेतून तब्बल २ लाख वृक्ष लागवडीचा धडक संकल्प करण्यात आला आहे, अशी माहिती दौंड विधानसभेचे आमदार ॲड. राहुल कुल यांनी दिली. या महत्त्वाकांक्षी मोहिमेचा शुभारंभ दौंड राज्य राखीव पोलीस बल गट क्रमांक ५ च्या आवारात वृक्षारोपण करून उत्साहात करण्यात आला.

पर्यावरण संतुलनाचा संदेश देत आमदार ॲड. कुल म्हणाले, “भविष्यातील पिढ्यांना शुद्ध, निरोगी आणि सुरक्षित वातावरण मिळावे यासाठी वृक्षारोपण ही केवळ शासकीय मोहीम न राहता लोकचळवळ बनणे गरजेचे आहे. दौंड तालुक्यात विविध शासकीय कार्यालये, शैक्षणिक संस्था, ग्रामपंचायती, सामाजिक संघटना, नागरिकांच्या सक्रिय सहभागातून २ लाख वृक्ष लागवडीचे हे उद्दिष्ट यशस्वीरीत्या पूर्ण केले जाईल. या उपक्रमामुळे तालुक्यातील हरित क्षेत्रात मोठी वाढ होऊन पर्यावरणाचा समतोल राखण्यास मदत होईल, असा विश्वासही त्यांनी व्यक्त केला.

कार्यक्रमास राज्य राखीव पोलीस बल गट क्रमांक ५ च्या समादेशक आरती बनसोडे, उपविभागीय अधिकारी रेवनाथ लबडे, तहसीलदार अरुण शेलार, मुख्याधिकारी अवधूत तावडे, गटविकास अधिकारी अरुण मरभळ, नगरपालिकेचे गटनेते योगेश कटारिया, नगरसेवक अथर्व सरनोत, अमोल काळे, निलेश पवार, वसिम शेख, शहानवाज पठाण, सागर जगताप, ज्योती राऊत, वैशाली माशाळकर, अधिकारी, कर्मचारी, नागरिक उपस्थित होते.