अभिनेत्री डिंपल कपाडिया, राधिका मदन आणि नसीरुद्दीन शाह स्टारर ‘सास बहू और फ्लेमिंगो’ ही मालिका लवकरच प्रेक्षकांच्या भेटीला येणार आहे. त्याचा ट्रेलर रिलीज झाला आहे. मालिकेची कथा राणी बा नावाच्या एका महिलेची आहे, जी तिचे घर सांभाळण्यासोबतच औषधी वनस्पती आणि हस्तकलेचा व्यवसाय करते. राणी या व्यवसायामागे आणखी एक व्यवसाय करते आणि तो म्हणजे फ्लेमिंगो (ड्रग्ज) चा. यामध्ये त्याच्या भागीदार त्यांची मुलगी आणि सून आहेत.

 

 

ट्रेलरमध्ये डिंपल कपाडियाला राणी बाच्या भूमिकेत बघायला मिळणार आहे. डिंपल सशक्त अवतार आणि पात्रात आहे. त्यांच्यासोबत राधिका मदन, अंगिरा धर आणि ईशा तलवार देखील जबरदस्त लूक आणि भूमिकांमध्ये दिसत आहेत. प्रत्येकाची पात्रे एकापेक्षा जास्त आहेत.  राणीबा आपला ‘फ्लेमिंगो’ व्यवसाय कसा वाचवते आणि युद्ध कोण जिंकणार असा प्रश्न  ट्रेलर शेवटी प्रेक्षकांना पडतो.

‘सास बहू और फ्लेमिंगो’ मालिका दिग्दर्शक होमी अदजानिया यांनी बनवली आहे. त्याचे निर्माते दिनेश विजन आहेत. हा शो डिस्ने प्लस हॉटस्टारवर येणार आहे. 5 मे ही त्याची रिलीज डेट आहे.