‘थंगालन’च्या निर्मात्यांनी वचन दिल्याप्रमाणे आज ट्रेलर रिलीज केला. त्याच्या सोशल मीडिया हँडलवर ट्रेलर रिलीज करताना, स्टुडिओ ग्रीनने लिहिले की,’खरे काय आणि योग्य काय याचे रहस्य उलगडणार आहे.’  ‘थंगालन’ कोलार गोल्ड फील्ड्समध्ये घडलेल्या काही वास्तविक घटनांवर आधारित आहे.

साऊथचा प्रसिद्ध अभिनेता विक्रमचा आगामी चित्रपट ‘थंगालन’चा ट्रेलर रिलीज झाला आहे. आव्हानांनी भरलेली पात्रे साकारण्यासाठी ओळखला जाणारा विक्रम या चित्रपटातही त्याच्या चाहत्यांसाठी काहीतरी नवीन घेऊन येत आहे. त्याच्या चाहत्यांना हा ट्रेलर खूप आवडला आहे.

 

‘थंगालन’चा ट्रेलर खूपच मनोरंजक दिसत आहे. एक ब्रिटीश जनरल गावकऱ्यांना गावात सोन्याच्या खुणा असल्याचं सांगतो हे या चित्रपटात पाहायला मिळेल. जेव्हा गावकरी सोन्याचा शोध घेऊ लागतात तेव्हा त्यांच्या लक्षात येते की काही अलौकिक शक्ती त्यांच्या कामात अडथळा आणत आहे. विक्रमचे पात्र त्यामागील शक्ती काय आहे हे शोधून काढते.

मालविका मोहनन ही आरतीची भूमिका साकारणारी गावकऱ्यांना सोनं शोधण्यापासून रोखते. ती असे का करते, या प्रश्नाचे उत्तर चित्रपट पाहिल्यानंतरच मिळेल. एकूणच ‘थंगालन’ची कथा खूपच वेगळी दिसते, त्यात विक्रमचा अभिनय जिवंत वाटतो.

‘थंगालन’च्या ट्रेलरवरून स्पष्ट झाले आहे की, चित्रपटात दमदार ॲक्शन पाहायला मिळणार आहे. याचे दिग्दर्शन पा रणजीत यांनी केले आहे. त्याचबरोबर स्टुडिओ ग्रीनच्या बॅनरखाली या चित्रपटाची निर्मिती के.ई. ज्ञानवेल राजा यांनी केले आहे. यात पार्वती तिरुवोथु, पसुपती आणि डॅनियल कॅल्ट्रोगिन यांच्याही भूमिका आहेत. या चित्रपटात जीव्ही प्रकाश कुमार यांचे संगीत ऐकायला मिळणार आहे.