Rajkummar Rao: ‘प्रहार -द उज्ज्वल निकम स्टोरी’ या चित्रपटाचा ट्रेलर प्रदर्शित झाला आहे. या चित्रपटात अभिनेता राजकुमार राव मुख्य भूमिकेत झळकणार आहे. देशाचे प्रसिद्ध सरकारी वकील उज्ज्वल निकम यांच्या महत्त्वपूर्ण भूमिकेत राजकुमार पाहायला मिळणार आहे. हा चित्रपट दहशतवादी अजमल कसाबच्या खटल्यावर आधारित आहे. २६/११ चा खटला उज्वल निकम यांनी कसा लढला हे यात दाखवण्यात आले आहे.

चित्रपटाचा ट्रेलर मंगळवारी मुंबईतील छत्रपती शिवाजी महाराज टर्मिनस (CSMT) येथे लाँच करण्यात आला. या प्रसंगी महाराष्ट्राचे मुख्यमंत्री देवेंद्र फडणवीस यांच्यासह चित्रपटाची स्टारकास्ट आणि क्रू उपस्थित होते.

चित्रपटाच्या ट्रेलरची सुरुवात राजकुमार राव कोर्टात एका लहान मुलीला २६/११ च्या हल्ल्यादरम्यान घडलेल्या घटनांबद्दल प्रश्न विचारताना होते. पुढे मुंबई हल्ल्यातील दोषी अजमल कसाबला शिक्षा मिळवून देण्यासाठी उज्ज्वल निकम यांनी जो कायदेशीर लढा दिला आणि दहशतवाद्यांविरोधात भक्कम पुराव्यांच्या आधारे जो संघर्ष केला, त्याची झलक या ट्रेलरमध्ये पाहायला मिळते.

ट्रेलरमध्ये उज्ज्वल निकम यांची भूमिका राजकुमार रावने अतिशय उत्कृष्टपणे साकारली आहे. चित्रपटात वामिका गब्बी, निकम यांच्या पत्नीच्या भूमिकेत दिसणार आहे. अभिनेता ललित प्रभाकर, जो अजमल कसाबची भूमिका साकारत असून त्याने आपल्या भूमिकेने सर्वांचे लक्ष वेधून घेतले आहे. नेहमी रोमँटिक हिरोच्या भूमिकेत दिसलेला ललित या चित्रपटात एका वेगळ्या भूमिकेत पाहायला मिळाला आहे.

या चित्रपटात राजकुमार राव वामिका गब्बीसोबत जयदीप अहलावत आणि सिकंदर खेर हे कलाकारही महत्त्वाच्या भूमिकांमध्ये आहेत. अविनाश अरुण यांच्या दिग्दर्शनाखाली बनलेला ‘प्रहार: द अनटोल्ड स्टोरी ऑफ उज्ज्वल निकम’ हा चित्रपट १६ ऑक्टोबर २०२६ रोजी मोठ्या पडद्यावर प्रदर्शित होणार आहे.  Rajkummar Rao

हेही वाचा: 

Pradeep Purnekar : ठाकरे गटाच्या नेत्यावर ऑफिसमध्ये घुसून गोळीबार; कुटुंबाचा शिंदे गटाच्या नेत्यावर गंभीर आरोप