Nashik Rain : नाशिक शहरातील रामकुंड परिसरात गोदावरी नदीला आलेल्या पुरामुळे गांधी ज्योती परिसरात अडकलेल्या एका वयोवृद्ध पर्यटकाची अग्निशमन दल आणि आपत्कालीन यंत्रणांनी थरारक सुटका केली. रात्रभर सुरू असलेल्या या रेस्क्यू ऑपरेशनमध्ये बचाव पथकाला यश आले.

म्हैसूर येथील लोकेश शिंदे हे रात्री कपडे सुकवण्यासाठी गांधी ज्योती परिसरात गेले होते. मात्र, रात्री अचानक गोदावरी नदीच्या पाणीपातळीत मोठी वाढ झाल्याने ते पुराच्या पाण्यात अडकून पडले. घटनेची माहिती मिळताच अग्निशमन दल आणि आपत्कालीन यंत्रणा घटनास्थळी दाखल झाल्या. शर्थीचे प्रयत्न करत बचाव पथकाने लोकेश शिंदे यांची सुखरूप सुटका केली.

यापूर्वीही याच परिसरातून नेपाळमधील एका पर्यटकाची सुटका करण्यात आली होती. गोदावरी नदीला आलेल्या पुराच्या पार्श्वभूमीवर प्रशासनाने नागरिक आणि पर्यटकांना नदीकाठ व पूरग्रस्त भागात जाणे टाळण्याचे आवाहन केले आहे.

हेही वाचा: 

Sonia Sehrawat: ‘कॉकरोच कधी मरत नाहीत…’! महिला आरएएफ अधिकाऱ्याच्या ‘त्या’ इन्स्टास्टोरीमुळे खळबळ ; कोण आहेतसोनिया सेहरावत ?