Rohini Khadse : भाजपाचे उत्तर महाराष्ट्र संयोजक विजय चौधरी आणि मंत्री गिरीश महाजन यांच्यातील कथित ऑडिओ क्लिप सोशल मीडियावर व्हायरल झाल्याने मोठी खळबळ उडाली आहे. या कथित अॅाडिओ क्लिपमध्ये मंत्री रक्षा खडसे यांच्यावर आक्षेपार्ह शब्द वापरण्यात आल्याचा दावा केला जात आहे.

या कथित अॅाडिओ क्लिपमुळे राजकारण पेटलं असून, या प्रकरणी आता शरद पवार गटाच्या महिला नेत्या अॅड रोहिणी खडसे यांची प्रतिक्रिया समोर आली असून त्यांनी सोशल मीडियावरुन पोस्ट करून याविषयी तीव्र शब्दांत आपला संताप व्यक्त केला आहे. आपली हिंदू संस्कृती, भारतीय सभ्यता या विषयांवर आभाळ हाणणाऱ्या पक्षातील नेत्यांची ही भाषा आहे असे म्हणत त्यांनी भाजपवर टीका केली आहे.   (Rohini Khadse)

सदर कथित अॅाडिओ क्लिप सोशल मीडियावर व्हायरल झाली असून विविध चर्चांना उधाण आले आहे. या क्लिपमध्ये रक्षा खडसे यांच्या राजीनाम्याची देखील मागणी करण्यात आली आहे. याशिवाय त्यांच्यावर आक्षेपार्ह शब्द वापरल्यात आल्याचे दिसते. खडसे हे भाजपवर टीका करतात, मग त्यांच्या सुनेला मंत्रिपद क? असा सवालही उपस्थित करण्यात आला आहे.

भाजपा नेते विजय चाैधरी ऑडिओ क्लिपमध्ये बोलताना म्हणत आहे की, एकनाथ खडसे असतील त्यांची मुलगी असेल नेहमीच भाजपावर टीका करत राहतात. व्हायरल होणाऱ्या या ऑडिओ क्लिपच्या सत्यतेबाबत कोणताही अधिकृत दुजोरा मिळालेला नाही. पण ही ऑडिओ क्लिप आता चर्चेचा विषय ठरली आहे.

सोशल मीडियावर सध्या भाजपचा नेता विजय चौधरी आणि एका मंत्र्यांची कॉल रेकॉर्डींग व्हायरल होत आहे. गटाराचे झाकन उघडल्यावर घाण ओसंडून वाहते तशी घाणेरडी भाषा या संभाषणातून बाहेर पडत आहे.

आश्चर्य या गोष्टीचं आहे की, आपली हिंदू संस्कृती, भारतीय सभ्यता या विषयांवर आभाळ हाणणाऱ्या…

— Adv Rohini Eknathrao Khadse (@Rohini_khadse) July 30, 2026

काय म्हणाल्या अॅड रोहिणी खडसे?  (Rohini Khadse)

सोशल मीडियावर सध्या भाजपचा नेता विजय चौधरी आणि एका मंत्र्यांची कॉल रेकॉर्डींग व्हायरल होत आहे. गटाराचे झाकन उघडल्यावर घाण ओसंडून वाहते तशी घाणेरडी भाषा या संभाषणातून बाहेर पडत आहे, अशा शब्दांत त्यांनी सोशल मीडियावरुन पोस्ट करत टीका केली.

पुढं त्या म्हणाल्या, आश्चर्य या गोष्टीचं आहे की, आपली हिंदू संस्कृती, भारतीय सभ्यता या विषयांवर आभाळ हाणणाऱ्या पक्षातील नेत्यांची ही भाषा आहे ! इतर पक्षातील महिलांना तर हे बोलतच आहेत पण स्वतःच्या पक्षातील महिलांबद्दल बोलतानाही यांच्या तोंडाला लकवा मारत नाहीये. भारतीय जनता पक्षात काम करणाऱ्या माझ्या महिला भगिनींनी सावध रहावे ! कारण मुखात प्रभू श्रीरामांचं नाव घेऊन रावणाची वृत्ती असलेल्या लोकांसोबत तुम्ही काम करत आहात, अशा शब्दांत भाजपला सुनावलं आहे.

….तर राजीनामा घेऊन चालणार नाही, त्याची थेट हकालपट्टी करावी  (Rohini Khadse)

सोशल मीडियावर लोक अपशब्द वापरतात म्हणून मागील अधिवेशनात मुख्यमंत्री महोदयांनी अशा लोकांचे कान टोचले होते पण मुख्यमंत्री महोदयांना माझी विनंती आहे की आपल्या पक्षात असलेल्या ‘टपोरींना’ संस्काराच्या क्लासेसमध्ये घालावे आणि या विजय चौधरी नामक घाणीचा तर राजीनामा घेऊन चालणार नाही, त्याची थेट हकालपट्टी करावी, अशी मागणी रोहिणी खडसे यांनी मुख्यमंत्री देवेंद्र फडणवीसांकडे केली आहे.

Ramdev Baba: “जेन झीने भारताला बदनाम केलं,” रामदेव बाबांची सीजेपी आंदोलनावर टीका; बडा नेता म्हणाला “महिलांचे कपडे घालून…”