Rishabh Pant Fitness : कसोटी मालिकेपूर्वी टीम इंडियाला मोठा दिलासा! ऋषभ पंत तंदुरुस्त, पुढील २४ तासांत न्यूझीलंडला होणार रवाना
Rishabh Pant Fitness Clearance CoE : न्यूझीलंडविरुद्धच्या कसोटी मालिकेपूर्वी ऋषभ पंतला सेंटर ऑफ एक्सलन्सकडून तंदुरुस्तीचा परवाना मिळाला आहे. पंत आता २४ तासांच्या आत न्यूझीलंडसाठी रवाना होईल.
Rishabh Pant Fitness Clearance CoE Joins Team India New Zealand Test Series Shubman Gill : न्यूझीलंडविरुद्धच्या आगामी कसोटी मालिकेपूर्वी भारतीय क्रिकेट संघासाठी एक अत्यंत दिलासादायक आणि आनंदाची बातमी समोर आली आहे. स्टार यष्टिरक्षक-फलंदाज ऋषभ पंतने फिटनेसची कठीण परीक्षा यशस्वीरीत्या पास केली असून, त्याला राष्ट्रीय क्रिकेट अकादमीच्या ‘सेंटर ऑफ एक्सीलेंस’कडून (CoE) खेळण्याची अधिकृत परवानगी मिळाली आहे. पंत पुढील २४ तासांत न्यूझीलंडसाठी रवाना होणार असून, त्याच्या आगमनाने कर्णधार शुबमन गिलच्या नेतृत्वाखालील भारतीय कसोटी संघाची ताकद प्रचंड वाढणार आहे.
१० आणि ११ नोव्हेंबरला कठोर सिम्युलेशन चाचणी; अखेर मिळाला हिरवा कंदील
ऋषभपंतला १२ नोव्हेंबर रोजी फिटनेस क्लीयरन्स प्रमाणपत्र देण्यात आले. त्यापूर्वी त्याने १० आणि ११ नोव्हेंबर रोजी बंगळुरू येथील सेंटर ऑफ एक्सीलेंसमध्ये कठोर फिटनेस आणि मॅच सिम्युलेशन टेस्ट दिल्या होत्या. या दोन्ही परीक्षांमध्ये तंदुरुस्ती सिद्ध केल्यानंतर वैद्यकीय पथकाने त्याला कसोटी मालिकेसाठी हिरवा कंदील दाखवला. ऑक्टोबरच्या सुरुवातीला इराणी चषक स्पर्धेत शेष भारत संघाचे नेतृत्व करताना पंतला ‘साईड स्ट्रेन’ची दुखापत झाली होती, ज्यामुळे तो रिहॅबिलिटेशनमध्ये होता.
भारत ‘अ’ संघाचे सामने हुकले, पण कसोटी मालिकेसाठी वेळेवर तंदुरुस्त
🚨 𝗕𝗜𝗚 𝗕𝗢𝗢𝗦𝗧 𝗙𝗢𝗥 𝗧𝗘𝗔𝗠 𝗜𝗡𝗗𝗜𝗔! 🇮🇳🔥
Rishabh Pant has received fitness clearance from the BCCI and is on his way to New Zealand!
The wicketkeeper-batter will join the Test squad in Wellington on Friday, ahead of the series opener on November 19! 👀
#NZvsIND https://t.co/pRi9O4ATyT
— Just Cricket (@justcricket_app) November 12, 2026
न्यूझीलंड दौऱ्यासाठी भारतीय कसोटी संघाची घोषणा झाली, तेव्हा पंतचा समावेश फिटनेसच्या अटीवरच करण्यात आला होता. दुखापतीतून सावरत असल्याने तो न्यूझीलंडविरुद्धच्या भारत ‘अ’ संघाच्या तीन अनधिकृत कसोटी सामन्यांत खेळू शकला नव्हता. मात्र, मुख्य कसोटी मालिकेपूर्वी त्याने वेळेवर तंदुरुस्ती मिळवून संघ व्यवस्थापनाची मोठी चिंता दूर केली आहे.
१९ नोव्हेंबरपासून कसोटी मालिकेचा थरार; वेलिंगटनमध्ये पहिला सामना
Wicketkeeper-batter Rishabh Pant has received fitness clearance from the BCCI medical team and left for New Zealand early on Thursday ahead of India’s upcoming two-Test series, according to reports. The series is scheduled to begin on November 19, following India’s ongoing five-match ODI series against New Zealand.
@RishabhPant17 | #BCCI #NZvsIND #TestSeries #TheStatesman
— The Statesman (@TheStatesmanLtd) November 12, 2026
भारत आणि न्यूझीलंड यांच्यातील दोन कसोटी सामन्यांच्या मालिकेला येत्या १९ नोव्हेंबरपासून वेलिंगटन येथे सुरुवात होणार आहे, तर दुसरा आणि अखेरचा कसोटी सामना २७ नोव्हेंबरपासून क्राइस्टचर्चमध्ये खेळवला जाईल. न्यूझीलंडच्या आव्हानात्मक खेळपट्ट्यांवर पंतची आक्रमक फलंदाजी भारतासाठी निर्णायक ठरेल.
