RCB Fans Violence : विजयाच्या नशेत RCB चे फॅन्स मर्यादा विसरले! थेट ॲम्ब्युलन्सवर डान्स ते बसवर दगडफेक, पाहा VIDEO
RCB Fans Violence : आरसीबीच्या फॅन्सचा हा जल्लोष काही ठिकाणी इतका उग्र आणि अनियंत्रित झाला की, परिस्थिती आटोक्यात आणण्यासाठी पोलिसांना थेट लाठीचार्ज करावा लागला.
RCB Fans Victory Celebration Violence IPL 2026 : आयपीएल २०२६ (IPL2026) च्या रोमांचक फायनलमध्ये गुजरात टायटन्सचा ५ विकेट्सने पराभव करत रॉयल चॅलेंजर्स बंगळुरुने सलग दुसऱ्यांदा ट्रॉफीवर आपले नाव कोरले आहे. आरसीबीच्या या ऐतिहासिक विजयानंतर संपूर्ण देश आणि जगभरात चाहत्यांनी जल्लोषाचा महापूर आणला आहे. मात्र, आरसीबीच्या फॅन्सचा हा जल्लोष काही ठिकाणी इतका उग्र आणि अनियंत्रित झाला की, परिस्थिती आटोक्यात आणण्यासाठी पोलिसांना थेट लाठीचार्ज करावा लागला. आरसीबीच्या फॅन्सच्या या हटके आणि हिंसक सेलिब्रेशनचे व्हिडीओ सध्या सोशल मीडियावर तुफान व्हायरल होत आहेत.
बंगळुरुमध्ये फटाक्यांची आतिषबाजी, तर अठानीत ॲम्ब्युलन्सवर डान्स! (RCB Fans Violence)
आरसीबीने (RCB) फायनल जिंकताच कर्नाटकची राजधानी बंगळुरुमध्ये चाहत्यांनी एकच धुमाकूळ घातला. हजारो फॅन्स रस्त्यावर उतरले आणि त्यांनी मध्यरात्री फटाके फोडून व ढोल-ताशांच्या तालावर नाचून विजय साजरा केला. दरम्यान, कर्नाटकच्याच अठानी भागातून एक अजब प्रकार समोर आला आहे. येथे आरसीबीच्या काही अतिउत्साही फॅन्सनी थेट एका ॲम्ब्युलन्सचा वापर सेलिब्रेशनसाठी केला. ते थेट चालत्या ॲम्ब्युलन्सच्या छतावर चढले आणि हातात हुबेहूब दिसणारी बनावट आयपीएल ट्रॉफी घेऊन ओरडत जल्लोष करू लागले.
RCB fans were celebrating IPL trophy stopping the ambulance standing on the van
The reason why nobody likes RCB pic.twitter.com/q8YKmzDXxe
— `mr. villa (@Luccydevil07) June 1, 2026
VIDEO | Karnataka: Fans in Bengaluru celebrate after Royal Challengers Bengaluru beat Gujarat Titans by 5 wickets to defend the IPL title.#RCBvsGT #IPL2026 pic.twitter.com/orFBNdyDNh
— Press Trust of India (@PTI_News) May 31, 2026
हैदराबादमध्ये उग्र रूप; हुल्लडबाजांवर पोलिसांचा लाठीमार! (RCB Fans Violence)
Congratulations on winning the trophy. Now it’s time to win some class and civic sense too. Champions on the field, chhapris on the streets 😭 pic.twitter.com/2Uc9KKzLbk
— Gagan🇮🇳 (@1no_aalsi_) June 1, 2026
आरसीबीच्या विजयाचा फिव्हर शेजारील राज्य तेलंगणामध्येही पाहायला मिळाला. हैदराबादमध्ये मोठ्या संख्येने आरसीबीचे फॅन्स मध्यरात्री रस्त्यावर उतरले. मात्र, येथे जल्लोषाच्या नावाखाली काही फॅन्सनी उपद्रव आणि गोंधळ घालण्यास सुरुवात केली. या जल्लोषात चाहत्यांनी मर्यादा ओलांडल्या. मध्यरात्री रस्त्यावर उतरलेल्या चाहत्यांच्या हातात झेंडे आणि बॅनर होते. त्यांनी एका प्रायव्हेट बसला अडवून दगडफेक करत बसची काच फोडली. यामुळे बसमधील प्रवासी घाबरून गेले. पोलिसांनी तात्काळ धाव घेतली आणि परिस्थिती आटोक्यात आणण्यासाठी लाठीचार्ज केला.
RCB fans celebration in pune fc road 🔥🔥 pic.twitter.com/rRewCXkIFp
— JASH 🏴 (@KohliIsLove00) June 1, 2026
याव्यतिरिक्त महाराष्ट्रातील पुणे आणि गुजरातच्या अहमदाबादमध्येही आरसीबी फॅन्सनी रस्त्यावर उतरून जोरदार डान्स केला आणि फटाके उडवले.
किंग कोहलीच्या ७५ धावा आणि आरसीबीचा ऐतिहासिक विजय! (RCB Fans Violence)
फायनल सामन्याबद्दल बोलायचे झाले तर, गुजरात टायटन्सने पहिल्या इनिंगमध्ये १५५ धावा केल्या होत्या. १५६ धावांच्या आव्हानाचा पाठलाग करताना आरसीबीने १२ चेंडू राखून ५ विकेट्सने हा सामना सहज खिशात टाकला. आरसीबीच्या या विजयात ‘किंग’ विराट कोहलीने ४२ चेंडूंत ७५ धावांची नाबाद आणि मॅचविनिंग खेळी खेळत संघाला सलग दुसऱ्यांदा चॅम्पियन बनवण्यात सर्वात मोठे योगदान दिले.
