Pat Cummins Wife Becky Viral Video Usman Khawaja Sandpapergate Book Controversy : ऑस्ट्रेलियाचा कसोटी कर्णधार पॅट कमिन्स सध्या मैदानाबाहेरील दुहेरी वादामुळे प्रचंड चर्चेत आला आहे. सिडनीतील घराबाहेर कमिंस आणि त्याची पत्नी बेकी यांच्यातील एका कथित ‘तणावपूर्ण संवादाचा’ व्हिडीओ ‘द ऑस्ट्रेलियन’ वृत्तपत्राने प्रसिद्ध केल्यानंतर सोशल मीडियावर खळबळ उडाली. या व्हायरल व्हिडिओच्या पार्श्वभूमीवर बेकीने आपल्या मुलीसोबतचा एक गोड कौटुंबिक फोटो इंस्टाग्रामवर शेअर केला आहे. तिने या पोस्टचा त्या व्हिडिओशी थेट संबंध जोडला नसला तरी, त्यांच्यात नेमकी कशावरून चर्चा सुरू होती याबाबत अद्याप गूढ कायम आहे.

उस्मान ख्वाजाच्या आत्मचरित्राने उकरून काढले ‘सँडपेपरगेट’चे भूत

हा सर्व प्रकार अशा वेळी घडला आहे, जेव्हा २०१८ च्या कुप्रसिद्ध ‘सँडपेपरगेट’ बॉल टॅम्परिंग प्रकरणावरून कमिंस पुन्हा एकदा संशयाच्या भोवऱ्यात सापडला आहे. माजी ऑस्ट्रेलियन फलंदाज उस्मान ख्वाजाचे ‘सब्र’ हे आत्मचरित्र याच आठवड्यात प्रकाशित झाले आहे. या पुस्तकात ख्वाजाने असा खळबळजनक दावा केला आहे की, चेंडूशी छेडछाड करण्याची योजना केवळ स्टीव्ह स्मिथ, डेव्हिड वॉर्नर आणि कॅमेरून बॅनक्रॉफ्ट यांच्यापुरती मर्यादित नव्हती, तर संपूर्ण संघ, गोलंदाज आणि सपोर्ट स्टाफलाही याची पूर्ण कल्पना होती.

कमिन्ससह चार प्रमुख वेगवान गोलंदाजांच्या भूमिकेवर प्रश्नचिन्ह –

Australia captain Pat Cummins is set to publicly respond to Usman Khawaja’s explosive claims about the 2018 ball-tampering scandal, saying he had taken time to understand the full extent of the allegations before commenting on the controversy. Cummins confirmed on Thursday that he would speak to the media at 9.30 am on Friday at Cricket Central, ahead of the third day’s play in New South Wales’ Sheffield Shield match against Western Australia. In a post on X, the Australia skipper said he wanted to properly assess the claims made by Khawaja in his autobiography Sabr before offering his response.

#PatCummins #UsmanKhawaja #TheStatesman

[Pat Cummins, Usman Khawaja, 2018 ball-tampering scandal]

— The Statesman (@TheStatesmanLtd) November 12, 2026

ख्वाजाच्या या थेट आरोपांमुळे केपटाऊन कसोटीत ऑस्ट्रेलियाच्या गोलंदाजी आक्रमणाचा भाग असलेले पॅट कमिन्स, मिचेल स्टार्क, जोश हेझलवूड आणि नॅथन लायन पुन्हा एकदा टीकेच्या केंद्रस्थानी आले आहेत. विशेष म्हणजे, २०२१ मध्ये या चारही गोलंदाजांनी संयुक्त निवेदन जारी करून चेंडूची स्थिती बदलण्यासाठी कोणत्याही बाह्य वस्तूचा वापर केल्याची आपल्याला माहिती नव्हती, असे स्पष्ट केले होते.

शुक्रवारी सकाळी कमिन्स माध्यमांसमोर मांडणार सडेतोड बाजू –

Sandpaper Crisis! Pat Cummins and his wife Becky look so animated. Something is not good in between them.

#patcummins
#CricketNews https://t.co/naj4yPz179

— Nadir Emaan (@NadirEmaanz) November 12, 2026

वाढत्या वादावर मौन सोडत पॅट कमिन्सने गुरुवार, १२ नोव्हेंबर रोजी सोशल मीडियावर मोठी घोषणा केली. तो शुक्रवार, १३ नोव्हेंबर रोजी सकाळी सिडनीतील क्रिकेट न्यू साउथ वेल्सच्या (NSW) मुख्यालयात माध्यमांशी संवाद साधणार आहे. ख्वाजाच्या आरोपांची लांबलचक यादी आणि त्यांची व्याप्ती नीट समजून घेण्यासाठी आपण थोडा वेळ घेतला होता, जेणेकरून सर्व प्रश्नांना योग्य उत्तर देता येईल, असे कमिन्सने स्पष्ट केले आहे.

हेही वाचा – Rishabh Pant Fitness : कसोटी मालिकेपूर्वी टीम इंडियाला मोठा दिलासा! ऋषभ पंत तंदुरुस्त, पुढील २४ तासांत न्यूझीलंडला होणार रवाना

ऑस्ट्रेलियन क्रिकेट विश्वाचे लक्ष उद्याच्या पत्रकार परिषदेकडे –

I’m training at Cricket Central tomorrow morning before the Blues play in the Shield match.

Happy to speak with any and all media about the events of this week at 9.30 am.

I’ve taken some time to try and better understand the long list and full extent of Uzzy’s allegations so I can respond properly.

Afterwards please stay and support the Blues!

I’ll ask CA to send out details

— Pat Cummins (@patcummins30) November 11, 2026

एकीकडे वैयक्तिक आयुष्यातील व्हायरल व्हिडीओ आणि दुसरीकडे सहकारी खेळाडूने केलेले गंभीर आरोप, अशा कोंडीत अडकलेला पॅट कमिन्स उद्या पत्रकार परिषदेत नेमके काय गौप्यस्फोट करणार आणि ख्वाजाचे दावे कसे खोडून काढणार, याकडे संपूर्ण क्रीडा विश्वाचे लक्ष लागले आहे.