Ishan Kishan 350 Runs Duleep Trophy 2026 Final Breaks Dinesh Karthik 16 Year Record : दुलीप ट्रॉफी २०२६ (Duleep Trophy 2026) च्या अंतिम सामन्यात ईस्ट झोनचा कर्णधार इशान किशन (Ishan Kishan) सध्या आपल्या कारकिर्दीतील सर्वोत्तम फॉर्मात खेळताना दिसत आहे. साऊथ झोनविरुद्धच्या फायनल सामन्यातील पहिल्या डावात २७० धावांचे ऐतिहासिक द्विशतक ठोकल्यानंतर, दुसऱ्या डावातही त्याने स्फोटक फलंदाजी केली. सलग दुसऱ्या शतकाची संधी थोडक्यात हुकली असली, तरी एकाच सामन्यात तब्बल ३५० धावा कुटून इशानने माजी यष्टिरक्षक दिनेश कार्तिकचा १६ वर्षे जुना विक्रम उद्ध्वस्त केला आहे.

पहिल्या डावात २७०, दुसऱ्या डावात ८०; दोन्ही डावांत ठोकल्या ३५० धावा!

पहिल्या डावातील २७० धावांच्या जोरावर ईस्ट झोनने ७०८ धावांचा महाकाय डोंगर उभारला होता. प्रत्युत्तरात साऊथ झोनचा पहिला डाव ३३६ धावांवर गारद झाला. इशानकडे फॉलोऑन देण्याचा पर्याय होता; परंतु त्याने पुन्हा फलंदाजी स्वीकारली. दुसऱ्या डावात वैभव सूर्यवंशी लवकर बाद झाल्यानंतर इशानने मैदानात उतरताच वादळी खेळ सुरू केला. त्याने ९८ चेंडूंत ९ चौकार आणि ३ षटकारांसह ८० धावांची तडाखेबंद खेळी साकारली. यासह त्याने अंतिम सामन्यात एकूण ३५० धावांचा टप्पा गाठला.

दिनेश कार्तिकचा २०१० मधील विक्रम मोडला; १६ वर्षांनंतर घडला चमत्कार –

4️⃣,6️⃣,6️⃣,4️⃣

Captain Ishan Kishan ups the ante with some brilliant strokeplay 💥

Scorecard ▶️ https://t.co/BhTkGWeeoD#DuleepTrophy | #EZvSZ pic.twitter.com/WLu5FqyabI

— BCCI Domestic (@BCCIdomestic) September 9, 2026

दुलीप ट्रॉफीच्या अंतिम सामन्यातील दोन्ही डावांत मिळून सर्वाधिक धावा करण्याचा विक्रम आता इशानच्या नावावर झाला आहे. यापूर्वी २०१० मध्ये साऊथ झोनकडून खेळताना दिनेश कार्तिकने वेस्ट झोनविरुद्ध ३३३ धावा (पहिल्या डावात १८३ आणि दुसऱ्या डावात १५०) केल्या होत्या. तब्बल १६ वर्षांनंतर इशानने कार्तिकला मागे टाकून हा जागतिक दर्जाचा पराक्रम केला. विशेष म्हणजे हे दोन्ही खेळाडू यष्टिरक्षक फलंदाज आहेत.

हेही वाचा – Ben Shelton Semifinals : क्रीडा विश्वात खळबळ! यूएस ओपनमध्ये सर्वात मोठा उलटफेर! बेन शेल्टनने गतविजेत्या अल्काराझला लोळवलं

ईस्ट झोनची ५०० हून अधिक धावांची आघाडी; विजेतेपदावर शिक्कामोर्तब –

Ishan Kishan in absolute blistering form this year! 🔥

270 & 80 Vs South Zone (Duleep Trophy Final).
125 Vs Afghanistan (ODI).
103 Vs New Zealand (T20).
54 (25) Vs New Zealand in T20 WC Final.
77 (40) Vs Pakistan in T20 World Cup.
602 runs in IPL 2026. pic.twitter.com/0jRaPgm17E

— Mufaddal Vohra (@mufaddal_vohra) September 9, 2026

दुसऱ्या डावात सलामीवीर शिखर मोहननेही शानदार अर्धशतक झळकावत संघाला मजबूत केले. चौथ्या दिवसाचा खेळ संपेपर्यंत ईस्ट झोनची एकूण आघाडी आता ५८४ धावांची झाली आहे. त्यामुळे ईस्ट झोनचे दुलीप ट्रॉफीचे जेतेपद अक्षरशः निश्चित मानले जात आहे. सामना अनिर्णित राहिला तरी पहिल्या डावातील भक्कम आघाडीच्या जोरावर ईस्ट झोनच चॅम्पियन ठरेल.