Sharad Pawar : सध्याची राजकीय परिस्थिती पाहता राजकारणात कधी काय होईल याचा काही नेम नाही. शिवसेना (उद्धव बाळासाहेब ठाकरे) गटातील सहा खासदारांनी शिंदे गटात प्रवेश केल्यानंतर राज्यातील राजकीय समीकरणे बदलली आहेत. या घटनेमुळे राजकीय वातावरण देखील तापलं आहे. एकमेकांवर टीकेचा सूर आवळला जात आहे.

ठाकरे गटाच्या सहा बंडखोर खासदार फुटीच्या पार्श्वभूमीवर इतर पक्षांतील आमदार खासदार फुटणार असल्याची चर्चा आहे. राष्ट्रवादी काँग्रेस शरदचंद्र पवार पक्षावरही संभाव्य फुटीची शक्यता वर्तवली जात होती. तशा चर्चा गेल्या काही दिवसांपासून सुरू आहे. या चर्चांवर पक्षाचे अध्यक्ष ज्येष्ठ नेते शरद पवार यांनी बारामती दौऱ्यात स्पष्ट भूमिका मांडली आहे.

 

हेही वाचा : Ambadas Danve : मोठी बातमी! उद्धव ठाकरेंचा आक्रमक नेता महायुतीच्या माध्यमातून निवडणुकीच्या रिंगणात; राजकीय वर्तुळात खळबळ

शरद पवार बारामती दौऱ्यावर आले असताना त्यांना पत्रकारांनी विचारलेल्या प्रश्नावर उत्तर देताना, “आमचा एकही आमदार जाणार नाही, फुटणार नाही.” असं मोठं वक्तव्य केलं आहे. ठाकरे गटातील खासदारांच्या फुटीनंतर राज्यातील राजकीय समीकरणांमध्ये मोठा बदल झाल्याचे चित्र दिसत असताना, इतर पक्षांतील खासदार-आमदार संपर्कात असल्याच्या चर्चांना उधाण आले आहे. मात्र, शरद पवार यांनी या सर्व चर्चांना स्पष्टपणे फेटाळले असून पक्षातील एकजूट कायम असल्याचा विश्वास व्यक्त केला आहे.  (Sharad Pawar)

त्यांच्या या वक्तव्यामुळे राष्ट्रवादी काँग्रेस शरदचंद्र पवार गटातील संभाव्य फुटीच्या चर्चांना तात्पुरता तरी पूर्णविराम मिळाल्याचे मानले जात आहे. मात्र आगामी काळात नेमक्या कोणत्या राजकीय घडामोडी घडणार सर्वांचे लक्ष लागून राहिले आहे.   (Sharad Pawar)

हेही वाचा : Karela Recipes: कडू कारल्याला द्या चविष्ट ट्विस्ट! भरलेले कारले ते पनीर कारल्यापर्यंत 10 भन्नाट रेसिपी