Top 10 news: बेकायदेशीर धर्मांतरासाठी कठोर शिक्षा राज्य सरकारने धर्मस्वातंत्र्य विधेयकाचा जो मसुदा तयार केला आहे, त्यात बेकायदेशीर धर्मांतराला मदत करणाऱ्यांसाठीही शिक्षेची तरतूद केली आहे. तसेच धर्मांतर करायचे असेल तर आधी जिल्हाधिकाऱ्यांना सूचना द्यावी लागणार आहे. हे विधेयक गृहराज्यमंत्री पंकज भोयर यांनी शुक्रवारी विधानसभेत सादर केले असून, यावर सोमवारी चर्चा होईल. त्यामुळे आता फसवणूक, दबाव किंवा लग्नाच्या आश्वासनाद्वारे केलेले धर्मांतर बेकायदेशीर ठरवले जाईल, अशा प्रकरणांमध्ये ७ वर्षांपर्यंत कारावास आणि १ लाख रुपयांपर्यंत दंड अशी शिक्षा प्रस्तावित करण्यात आली आहे. याशिवाय यात मदत करणाऱ्यांवरही कारवाई केली जाणार आहे. या विधेयकानुसार धर्मांतर करू इच्छिणाऱ्या व्यक्तीने ६० दिवस आधी जिल्हाधिकाऱ्यांकडे आपला हेतू जाहीर करणे बंधनकारक असणार आहे. Top 10 news: अवकाळी पावसाचे संकट! गारपिटीचा इशारा राज्यावर अवकाळी पावसाचे संकट घोंगावत असून, येत्या १७ ते २० मार्च दरम्यान विदर्भ, मराठवाडा, खानदेश आणि मध्य महाराष्ट्रात मेघगर्जनेसह पावसाचा अंदाज वर्तवण्यात आला आहे. हवामान विभागाच्या प्राथमिक अंदाजानुसार, या काळात प्रामुख्याने दुपारनंतर वातावरणात मोठे बदल होऊन वादळी वारे आणि विजांच्या कडकडाटासह पावसाची हजेरी लागेल. विशेषतः १८ ते २० मार्च दरम्यान या नैसर्गिक घडामोडींची तीव्रता वाढणार असून, काही भागांत गारपिटीची शक्यता असल्याने शेतकऱ्यांमध्ये चिंतेचे वातावरण पसरले आहे. सध्या राज्यात रब्बी हंगामातील पिकांची काढणी अंतिम टप्प्यात आहे. अशातच बदलत्या हवामानाचा मोठा फटका पिकांना बसू शकतो, हे लक्षात घेऊन कृषी विभागाने शेतकऱ्यांना सतर्क राहण्याचे आवाहन केले आहे. Top 10 news: Unseasonal Rain तळीरामाचं टेन्शन वाढणार! देशात दारुचा दुष्काळ पडणार? मध्यपूर्वेतील वाढत्या तणावाचा परिणाम आता देशातील उद्योगांवरही दिसू लागला आहे. इराण आणि इस्रायल यांच्यातील संघर्षामुळे निर्माण झालेल्या गॅस टंचाईचा फटका मद्य उद्योगालाही बसण्याची शक्यता आहे. त्यामुळे देशात दारूचा तुटवडा निर्माण होण्याची भीती व्यक्त केली जात आहे. मद्यनिर्मिती प्रक्रियेत काचेच्या बाटल्या आणि अॅल्युमिनियम कॅन तयार करण्यासाठी औद्योगिक गॅसचा मोठ्या प्रमाणात वापर केला जातो. छत्रपती संभाजीनगर येथील मद्यनिर्मिती कंपन्यांकडे सध्या फक्त १५ दिवसांचा साठा असल्याने त्यानंतर उत्पादनावर मोठा परिणाम होऊ शकतो. मद्य उद्योगावर परिणाम झाल्यास त्याचा फटका राज्याच्या महसूलालाही बसू शकतो. Sinhgad Dental College : सिंहगडच्या विद्यार्थ्यांचा वनवास संपला! राज्य सरकारचा मोठा निर्णय; ‘या’ २४ महाविद्यालयांत होणार स्थलांतर इराणच्या राजवटीचा विनाश करणार; अमेरिकाचा इशारा अमेरिकेचे राष्ट्राध्यक्ष डोनाल्ड ट्रम्प व संरक्षणमंत्री हेगसेथ यांनी इराणवर परत मोठ्या प्रमाणात हल्ले केले जातील, अशी धमकी दिली आहे. इराणने शुक्रवारी पहाटे आखाती अरब देशांवर आणि इस्रायलवर नवे हल्ले केले. यात सौदी अरेबियावर डझनाहून अधिक ड्रोन डागण्यात आले तर ओमान, बहरिन आणि दुबईतही स्फोट, सायरन आणि आगीच्या घटना घडल्या. यानंतर ट्रूथ सोशल या वेबसाइटवर ट्रम्प यांनी अमेरिका इराणच्या दहशतवादी शासनाचा लष्करी, आर्थिक आणि इतर सर्व मार्गांनी नाश करीत असल्याचे विधान केले आहे. मोज्तबा खोमनी हे अमेरिका, इस्रायलने केलेल्या संयुक्त लष्करी कारवाईत अतिशय गंभीर जखमी झाले आहेत असे अमेरिकेचे संरक्षणमंत्री पिट हेगसेथ यांनी शुक्रवारी सांगितले. त्याआधी गुरुवारी मोज्तबा यांनी अमेरिकेवर हल्ले चालूच ठेवू अशी धमकी दिली होती. अमेरिकेकडून मोज्तबा खामेनींवर 1 कोटी डॉलरचं बक्षीस आयातुल्ला अली खामेनेई यांच्या निधनानंतर इराणचे सर्वाेच्च नेते म्हणून आयातुल्ला अली खामेनेई यांचा मुलगा मोजतबा खामेनेई याच्या नावाची घोषणा करण्यात आली. मोजतबा खामेनेई यांच्या नावाची घोषणा करण्यात आल्यानंतर इराण अधिक घातक बनला आणि थेट इस्त्रायलवर मोठे क्षेपणास्त्र टाकली. मात्र, मोजतबा खोमनी जास्त काळ जिवंत राहणार नसल्याचे थेट धमकीच अमेरिकेने दिली. तसेच मोजतबा खामेनेई जखमी झाल्याचे सांगितले जाते. याचरम्यान, अमेरिकेने अत्यंत मोठी घोषणा केली असून थेट मोजतबा खामेनेई यांच्यावर १ कोटी डॉलर्सचे बक्षिस जाहीर केले. मोजतबा खामेनेई यांच्याबद्दल माहिती देणाऱ्या आणि यासोबतच्या इराणच्या 10 नेत्यांबद्दल माहिती देणाऱ्या अमेरिकेकडून १ कोटी डॉलर्सचे बक्षिस दिले जाणार आहे. Top 10 news: महाराष्ट्रातील ९१ लाख शेतकर्यांना दिलासा पंतप्रधान किसान योजनेचा २२ हप्ता शेतकऱ्यांच्या खात्यात काल जमा करण्यात आला आहे. पंतप्रधान नरेंद्र मोदी यांनी देशभरातील सुमारे 9.32 कोटी शेतकऱ्यांच्या खात्यात तब्बल 18,640 कोटींहून अधिक रक्कम हस्तांतरित केली. यामध्ये महाराष्ट्रातील ९१ लाख शेतकऱ्यांना १,८३७ कोटींचे वितरण करण्यात आले आहे. थेट लाभ हस्तांतरणाच्या ई- वितरण पद्धतीमुळे (डीबीटी) माध्यमातून ही मदत शेतकऱ्यांच्या बँक खात्यात जमा झाली. या निधीमुळे शेतकऱ्यांना बियाणे, खते, औषधे तसेच इतर शेतीच्या आवश्यक खर्चांसाठी वेळेवर आर्थिक मदत उपलब्ध होईल. शेतीच्या उत्पादनक्षमतेत वाढ होण्यासाठी आणि शेतकऱ्यांचे आर्थिक बळकटीकरण करण्यासाठी ही योजना अत्यंत महत्त्वाची ठरत आहे. Top 10 news: तामिळनाडूतील निवडणुकीपूर्वी विजय यांचा पक्ष एनडीएमध्ये येणार? तामिळनाडू विधानसभेची निवडणूक पुढच्या काही दिवसांमध्ये जाहीर होणार आहे. यासाठी सत्ताधारी डीएमकेची आघाडी, प्रमुख विरोधी पक्ष असलेला एआयएडीएमके, भाजप तसेच नव्याने निवडणुकीच्या रिंगणात उतरणारा अभिनेते विजय यांचा टीव्हीके पक्ष यांच्यात मुख्य लढत होण्याची शक्यता आहे. याचदरम्यान आता विजय यांच्या टीव्हीके पक्षाला एनडीएमध्ये आणण्यासाठी भाजपाने प्रयत्न सुरू केले आहेत. तसेच यामध्ये एका राज्याचे उपमुख्यमंत्री महत्त्वाची भूमिका बजावत असल्याची चर्चा सुरू आहे. या आघाडीबाबत सध्या अनेक तर्कवितर्क लढवले जात आहेत. तसेच विजय यांचा पक्ष एनडीएत आल्यास त्यामुळे होणाऱ्या राजकीय नफा नुकसानीचा अंदाज बांधला जात आहे. Adhoore Hum Adhoore Tum: इमरान खानसोबत मोठ्या पडद्यावर परतणार भूमी पेडणेकर; “मी त्यांची फॅन आहे”, युवांना दिला खास सल्ला इंडिगो विमानांच्या तिकिट दरात वाढ मध्य आशियात सुरू असलेल्या संघर्षामुळे एअर इंडियानंतर आता इंडिगोने त्यांच्या विमानांच्या तिकिटांचे दर वाढवण्याचा निर्णय घेतला आहे. जेट फ्युएल अर्थात विमानासाठी लागणाऱ्या इंधनाच्या किंमती वाढल्याने हा निर्णय घेण्यात आला आहे. आज १४ मार्च २०२६ ही दरवाढ लागू होणार आहे. मध्य पूर्व देशांमध्ये अमेरिका आणि इस्रायल आणि इराण यांच्यात तणाव वाढला आहे. ज्याचा परिणाम वैश्विक तेल बाजारावर पडला आहे. त्यामुळे कच्चं तेलाच्या किंमती वाढल्या आहेत. इंडिगोने देशांतर्गत विमान प्रवासासाठी ४२५ रुपये तिकिटामागे वाढवले आहेत. मिडल इस्ट अर्थात मध्य आशियात जाणाऱ्या विमानाच्या तिकिट दरांमध्ये ९०० रुपये वाढ केली आहे. युरोपच्या तिकिटांमध्ये २३०० रुपये वाढ केली आहे तर चीनला जाणाऱ्या विमानांच्या तिकिट दरांमध्ये १८०० रुपये वाढ करण्यात आली आहे. पाकिस्तानी खेळाडू सलमान आघा विचित्रपणे रनआऊट पाकिस्तान आणि बांगलादेश यांच्यातील तीन सामन्यांच्या एकदिवसीय मालिकेतील दुसरा सामना ढाका येथील शेर-ए-बांगला राष्ट्रीय स्टेडियमवर खेळला गेला. या सामन्यादरम्यान पाकिस्तानचा खेळाडू सलमान अली आघा विचित्र पद्धतीने रनआऊट झाला. ज्याचा व्हिडिओ सोशल मिडियावर तुफान व्हायरल होत आहे. मेहदी हसन मिराज ३९व्या षटकात गोलंदाजीला आला, तेव्हा मोहम्मद रिझवानकडे स्ट्राईक होती, त्याने चेंडू गोलंदाजाच्या उजव्या दिशेला टोलवला आणि मिराजने पायाने तो चेंडू थांबवला. दरम्यान, नॉन स्ट्रायकरच्या टोकावर असलेला आघा त्याच्या क्रीजच्या बाहेर होता आणि मिराज व आघाची टक्कर झाली. त्यानंतर आघा चेंडू गोलंदाजाला परत देण्यासाठी खाली वाकला, पण मिराजने स्वतःच चेंडू उचलत अंडरआर्म थ्रो केला आणि आघा क्रीजच्या बाहेर असतानाच बेल्स उडवल्या. त्यानंतर सलमान आघा धावबादचा निर्णय थर्ड अंपायरकडे पाठवण्यात आला आणि अखेर आघाला बाद देण्यात आलं. या निर्णयामुळे आघाने संतापून हेल्मेट आणि ग्लोव्हज आणि मैदानाबाहेर पडला. ‘बॉलिवूडपेक्षा गॅस विकण्यातच जास्त पैसा’ अमेरिका-इराण संघर्षामुळे एलपीजी सिलिंडरची टंचाई पाहायला मिळत आहेत. अशात ‘बिग बॉस 15’ फेम अभिनेता राजीव अदातिया रस्त्यावर गॅस सिलिंडर विकताना दिसत आहे. राजीवने त्याच्या इंस्टाग्राम अकाउंटवर शेअर केलेल्या फोटोमध्ये तो रस्त्याच्या कडेला उभ्या असलेल्या सिलिंडरच्या गाडीसोबत पोज देताना दिसत आहे. धक्कादायक म्हणजे राजीवने एका सिलिंडरची किंमत चक्क 10 लाख ठेवली आहे. तसेच पोस्टला एक मजेशीर कॅप्शन दिले आहे. “मी आता हे ठरवलंय की, सध्या बॉलिवूडपेक्षा गॅस विकण्यातच जास्त पैसा आहे! एका गॅस सिलिंडरची किंमत १० लाख! मला दिवसाला मिळणाऱ्या मानधनापेक्षाही हे कितीतरी जास्त आहे! ही तर सोन्याची खाणच आहे!” या पोस्टवर चाहते मंडळीही विनोदी कमेंट्स करताना दिसत आहेत. Top 10 news: हेही वाचा: Navale Bridge Accident : नवले पूल पुन्हा रक्ताळला! भरधाव ट्रकने चिरडले; कोंढव्याच्या तरुणाचा जागीच मृत्यू, ५ वाहनांचा चक्काचूर
