Tom Cruise BreakUp । हॉलिवूड स्टार टॉम क्रूझचे पुन्हा एकदा ब्रेक अप झाले आहे. वयाच्या ६१ व्या वर्षी मिशन: इम्पॉसिबल या अभिनेत्याचे हृदय पुन्हा एकदा तुटले आहे. टॉम क्रूझ आणि त्याची रशियन गर्लफ्रेंड अलेसिना खैरोवा यांचे ब्रेकअप झाले आहे.

 

View this post on Instagram

 

A post shared by Tom Cruise (@tomcruise)

टॉम क्रूझने त्याच्या गर्लफ्रेंडसोबतचे नाते संपुष्टात आणल्याचा दावा केला जात आहे. दोघेही खूप दिवसांपासून एकमेकांना डेट करत होते. 13 फेब्रुवारी रोजी, अभिनेत्याने सोशल मीडियावर अल्सीना खैरोवासोबतचे नाते अधिकृत केले. आणि या घोषणेच्या अवघ्या 10 दिवसांनी त्यांच्या ब्रेकअपची बातमीही समोर आली. टॉम क्रूझने त्याच्या इंस्टाग्राम अकाउंटवरून अल्सीना खैरोवाचा फोटोही डिलीट केला आहे.

दोघांच्या वयात 25 वर्षांचा फरक आहे. त्यांच्या ब्रेकअपची अनेक कारणे सांगितली जात आहे. काही लोक म्हणतात की, टॉम क्रूझने अल्सीना खैरोवाचे हृदय तोडले, तर बरेच लोक यासाठी त्याच्या गर्लफ्रेंडला दोष देत आहे. गेल्या काही महिन्यांपासून दोघेही लंडनमध्ये एकत्र राहत असल्याच्या बातम्या येत होत्या. यावेळी अभिनेत्याने आपल्या मैत्रिणीच्या मुलांचीही भेट घेतली. या भेटीनंतरच टॉम क्रूझने अल्सीनापासून वेगळे होण्याचा निर्णय घेतला.

टॉम क्रूझ आणि अलेसिना खैरोवा लंडनमध्ये एअर ॲम्ब्युलन्स चॅरिटीच्या समर्थनार्थ आयोजित केलेल्या गाला डिनर दरम्यान दिसले. दोघेही इथे वेगळे पोहोचले होते, त्यानंतर त्यांच्या ब्रेकअपच्या बातम्या पसरू लागल्या. मात्र, आतापर्यंत दोघांनीही या वृत्तांवर कोणतेही वक्तव्य केलेले नाही. अभिनेत्याचे हृदय तुटण्याची ही पहिलीच वेळ नाही. याआधीही त्याच्या अनेक मैत्रिणी होत्या. टॉम क्रूझचे तीन लग्नही अयशस्वी झाले आहेत. टॉम क्रूजला या लग्नांमधून तीन मुलेही आहेत.

हेही वाचा 
काय सांगता…! राजकीय पक्षांनी केला कंडोमच्या पाकिटांवरून प्रचार; मतदार पडले संभ्रमात