Baba Siddique Shot Dead  । दसऱ्याच्या संध्याकाळी मुंबई हादरली. राष्ट्रवादीचे ज्येष्ठ नेते आणि महाराष्ट्राचे माजी मंत्री बाबा सिद्दीकी यांची सार्वजनिक ठिकाणी गोळ्या झाडून हत्या करण्यात आली. मुंबईतील वांद्रे पूर्व येथे बाबा सिद्दीकी यांची हत्या करण्यात आली होती. बाबा सिद्दीकी यांना दोन गोळ्या लागल्या.

असे म्हटले जात आहे की, आरोपीने अगदी जवळून गोळ्या झाडल्या. बाबा आणि त्यांचा मुलगा झीशान कार्यालयातून बाहेर पडत असताना हल्लेखोरांनी गोळीबार केला. हल्ल्यानंतर त्यांना तात्काळ लीलावती रुग्णालयात नेण्यात आले, तेथे डॉक्टरांनी त्यांना मृत घोषित केले. बाबा सिद्दीकी यांच्या हत्येमागे कोणाचा हात आहे, याचा वेगाने तपास सुरू असतांना पोलिसांकडून मोठी या अपडेट समोर येत आहे.

मुंबई पोलिसांच्या सूत्रांकडून मिळालेल्या मोठ्या माहितीनुसार, गुन्हे शाखेने असा दावा केला आहे की, चौकशीदरम्यान आरोपींनी लॉरेन्स बिश्नोईशी आपले संबंध उघड केले आहेत . आरोपी गेल्या 25-30 दिवसांपासून त्या भागात रेकी करत होते. तिन्ही आरोपी ऑटो रिक्षाने वांद्रे पूर्व शूटिंग स्थळी (जिथे गोळी झाडली होती) आले होते. बाबा सिद्दीकी यांच्यावर गोळीबार करण्यापूर्वी तिघेही काही वेळ तेथे थांबले होते.

आरोपींना आणखी कोणीतरी माहिती पुरवत असल्याचा पोलिसांना संशय आहे.   हा हरियाणाचा रहिवासी असून धर्मराज कश्यप हा उत्तर प्रदेशचा रहिवासी आहे, अशी अटक केलेल्या दोन आरोपींची नावे आहेत.

बाबा सिद्दीकी हत्याकांडातील आरोपींनी आपण पंजाब तुरुंगात असल्याचे गुन्हे शाखेला सांगितले आहे. त्याच वेळी त्याची ओळख तुरुंगात असलेल्या लॉरेन्स बिश्नोई टोळीतील सदस्याशी झाली.बोलल्यानंतर सर्वजण बिश्नोई टोळीत सामील झाले. बाबा सिद्दीकीला मारण्यासाठी शूटर्सना अडीच ते तीन लाख रुपयांचे कंत्राट देण्यात आले होते. हत्येनंतर आरोपी हे पैसे एकमेकांमध्ये वाटून घेणार होते.