TMC Candidate List : निवडणूक आयोगाने पश्चिम बंगालसह पाच राज्ये आणि केंद्रशासित प्रदेशातील विधानसभा निवडणुका जाहीर केल्यानंतर तृणमूल काँग्रेसने मोठे पाऊल (TMC Candidate List) उचलले आहे. मुख्यमंत्री आणि TMC अध्यक्षा ममता बॅनर्जी यांनी मंगळवारी पत्रकार परिषद घेऊन पक्षाच्या सर्व २९१ उमेदवारांची यादी (TMC Candidate List) एकदम जाहीर केली. पश्चिम बंगालच्या २९४ विधानसभा जागांपैकी २९१ जागा TMC लढवणार असून, उर्वरित तीन जागा त्यांच्या सहकारी पक्ष भारतीय गोरखा प्रजातांत्रिक मोर्चा (BGPM) लढवणार आहे. निवडणुकीचे वेळापत्रक पश्चिम बंगालमध्ये दोन टप्प्यात मतदान होणार आहे: पहिला टप्पा : २३ एप्रिल २०२६ (१५२ जागा) दुसरा टप्पा : २९ एप्रिल २०२६ (१४२ जागा) मतमोजणी आणि निकाल : ४ मे २०२६ देशाचे लक्ष लागलेल्या या निवडणुकीसोबत तामिळनाडू, आसाम, केरळ आणि पुद्दुचेरी या राज्यांमध्येही २०२६ मध्ये विधानसभा निवडणुका होणार आहेत. आसाम, केरळ आणि पुद्दुचेरीत एका टप्प्यात (९ एप्रिल) तर तामिळनाडूत २३ एप्रिल रोजी मतदान होईल. TMC Candidate List ममता भवानीपूरमधून लढणार ममता बॅनर्जी यांनी यावेळी भवानीपूर विधानसभा मतदारसंघातून निवडणूक लढवण्याचा निर्णय घेतला आहे. २०२१ ची निवडणुक त्यांनी नंदीग्राममधून लढवली होती.जिथे भाजप नेते शुभेंदू अधिकारी यांनी त्यांचा पराभव केला होता. पराभवानंतर ममता यांनी भवानीपूरमधून पोटनिवडणूक लढवून विधानसभेत प्रवेश केला होता. नंदीग्राममधून यावेळी TMC ने पबित्रा कार्की यांना तिकीट दिले आहे. पबित्रा कार्की यांनी नुकताच भाजपमधून तृणमूल काँग्रेसमध्ये प्रवेश केला आहे. महत्त्वाचे म्हणजे, २०२१ च्या निवडणुकीत शुभेंदू अधिकारी यांच्या विजयात पबित्रा कार्की यांनी महत्त्वाची भूमिका बजावली होती. त्यावेळी त्यांना तृणमूल कार्यकर्त्याच्या हत्येप्रकरणात अटकही झाली होती. आता ममता बॅनर्जींनी आपल्या पराभवाला कारणीभूत ठरलेल्या व्यक्तीलाच आपल्या पक्षातून तिकीट देऊन ‘पराभवाची परतफेड’ करण्याचा प्रयत्न केला आहे. २२६ पेक्षा जास्त जागा जिंकणार – ममता बॅनर्जी पत्रकार परिषदेत ममता बॅनर्जी यांनी आत्मविश्वासाने सांगितले की, “आम्ही २९१ जागा लढवणार आहोत आणि यावेळी २२६ पेक्षा जास्त जागा जिंकून स्पष्ट बहुमताने सरकार स्थापन करू.” त्यांनी पक्षातील कार्यकर्त्यांना दिलासाही दिला की, ज्यांना तिकीट मिळाले नाही त्यांनी निराश होऊ नये आणि पक्षासाठी काम करत राहावे. TMC ने यापूर्वी २०२१ मध्ये २१३ जागा जिंकल्या होत्या. आता २२६+ जागांचा टार्गेट ठेवून ममता बॅनर्जींनी भाजपला थेट आव्हान दिले आहे. भाजपनेही आपली पहिली उमेदवार यादी जाहीर ((TMC Candidate List) केली असून, शुभेंदू अधिकारी यांना भवानीपूरमधून उमेदवारी दिली आहे, ज्यामुळे ममता विरुद्ध शुभेंदू यांच्यात थेट सामना होणार आहे.
