Threat from Bishnoi Gang : महाराष्ट्र विधानसभा अधिवेशनात मंगळवारी कायदा आणि सुव्यवस्थेच्या मुद्द्यावरून (Threat from Bishnoi Gang) मोठी खळबळ उडाली. अकोला पश्चिमचे काँग्रेस आमदार साजिद खान पठाण यांना बिश्नोई टोळीशी (Threat from Bishnoi Gang) संबंधित शुभम लोणकर याने १० कोटी रुपयांची खंडणी मागितली असून, पैसे न दिल्यास जीवे मारण्याची धमकी दिली आहे. विरोधी पक्षनेते विजय वडेट्टीवार यांनी सभागृहात हा गंभीर मुद्दा उपस्थित केला. मिळालेल्या माहितीनुसार, १७ फेब्रुवारी रोजी पठाण यांना कॅलिफोर्नियातून एक आंतरराष्ट्रीय कॉल आला होता. फोन करणाऱ्याने स्वतःची ओळख बिश्नोई टोळीचा सहकारी शुभम लोणकर अशी करून दिली. दोन दिवसांत १० कोटी द्या, अन्यथा बाबा सिद्दिकींसारखीच अवस्था करू, असा इशारा त्याने दिला. विशेष म्हणजे, पोलिसांना कळवल्यास केवळ तात्पुरते संरक्षण मिळेल, पण टोळी सोडणार नाही, अशी उद्दाम धमकीही देण्यात आली. Threat from Bishnoi Gang वडेट्टीवार यांनी या घटनेचा तीव्र निषेध करत लोकप्रतिनिधींच्या सुरक्षेवर प्रश्नचिन्ह उपस्थित केले. यावर विधानसभा अध्यक्षांनी राज्य सरकारला तातडीने दखल घेऊन आमदारांची सुरक्षा वाढवण्याचे निर्देश दिले आहेत. शुभम लोणकर हा बाबा सिद्दिकी हत्या प्रकरणातील मुख्य संशयित असून त्याने यापूर्वी रोहित शेट्टीच्या घराबाहेरील गोळीबाराची जबाबदारीही स्वीकारली होती.
