MPSC Exam । महाराष्ट्र राजपत्रित नागरी सेवा संयुक्त पूर्व परीक्षा  25 ऑगस्ट रोजी होत आहे. याच परीक्षेमध्ये कृषी सेवेतील पदांचा समावेश करावा, या मागणीसाठी स्पर्धा परीक्षेची तयारी करणाऱ्या उमेदवारांनी मंगळवारी २ ० ऑगस्टला नवी पेठेत रात्री नऊ वाजता ठिय्या आंदोलना सुरुवात केली.

महाराष्ट्र राजपत्रित नागरी सेवा संयुक्त पूर्व परीक्षा आयोजनाची पूर्व तयारी झाली आहे. या परीक्षेमध्ये कृषी सेवेतील पदांचा समावेश करणे शक्य नसल्याचे एमपीएससीने आज परिपत्रकाद्वारे स्पष्ट केले आहे. त्यामुळे विद्यार्थ्यांनी आज २ १ ऑगस्टला म्हणजेच दुसऱ्या दिवशी आक्रमक पवित्रा घेत धरणे आंदोलनास सुरुवात केली. यावेळी विद्यार्थ्यांनी आमच्या मागण्या पूर्ण करा असं म्हणत घोषणाबाजी केली.

दरम्यान या ठिकाणी शेकडो उमेदवारांची उपस्थिती होती. याप्रसंगी उमेदवारांनी महाराष्ट्र लोकसेवा आयोगाच्या विरोधात घोषणाबाजी केली. विद्यार्थी आंदोलनकर्ते संख्या पाहून आंदोलनस्थळी पोलिसांच्या गाड्या दाखल झाल्या. पोलिसांनी शांततेत आंदोलन करण्याची सुचना केली आणि कोणीही कायदा हातात घेऊ नका, असे आवाहनही केले.

MPSC Exam । नेमक्या मागण्या काय ?
२५ ऑगस्टला घेण्यात येणाऱ्या परीक्षेत कृषी विभागाच्या २५८ जागा समाविष्ट करा. आयबीपीएस आणि एमपीऐससीची परीक्षा एकाच दिवशी घेतली जाणार आहे ती परीक्षा पुढे ढकला अशी मागणी करण्यात येत आहे.

या मागणीसाठी हे विद्यार्थी मध्यात्रीपासून नवीपेठेतील अहिल्या वाचनालयासमोर ठिय्या आंदोलन करत आहे. मध्यरात्रीपासून आंदोलनस्थळी पोलिसांचा मोठा बंदोबस्त तैनात करण्यात आलाय.

कृषी विभागातील राजपत्रित अधिकारी गट अ आणि गट ब मधील मंजूर 258 पदांची जाहिरात प्रसिद्ध करून या पदांचा समावेश 25 ऑगस्ट रोजी होणाऱ्या महाराष्ट्र राजपत्रित नागरी सेवा संयुक्त पूर्व परीक्षा 2024 या परीक्षेत करण्याची मागणी स्पर्धा परीक्षार्थींनी केली. तसेच याबाबत तातडीने कार्यवाही न झाल्यास राज्यव्यापी आंदोलन करण्याचा इशारा दिला होता. मात्र, आयोगाने तसे शक्य नसल्याचे नमूद केले आहे.