Ramayana Trailer : गेल्या काही दिवसांपासून प्रेक्षक ज्या क्षणाची आतुरतेने वाट पाहत होते अखेर तो क्षण आला. अभिनेता रणबीर कपूर आणि रॅाकिंग स्टार यशच्या बहुप्रतिक्षेत रामायणचा ट्रेलर प्रदर्शित झाला आहे. आज पहाटे ४ वाजून १५ मिनिटांनी या सिनेमाचा ट्रेलर प्रदर्शित करण्यात आला. या सिनेमाचे दिग्दर्शन नितेश तिवारी यांनी केले असून, दोन भागांमध्ये रामायण सिनेमा प्रदर्शित करण्यात येत आहे. पहिला भाग दिवाळीत प्रदर्शत करण्यात येणार असून दुसरा भाग दिवाळी २०२७ मध्ये प्रेक्षकांच्या भेटीला येणार आहे. विशेष म्हणजे तब्बल चार हजार कोटी रुपयांचे बजेट या सिनेमाचे आहे. आतापर्यंत इतक्या मोठ्या बजेटवर तयार करण्यात आलेला हा पहिलाच बॅालिवूड सिनेमा आहे.

‘रामायण’वर आधारित अनेकदा टेलिव्हिजन मालिका किंवा सिनेमे बनवले गेले आहेत. आदिपुरुष’ सिनेमाद्वारे प्रभू श्री रामांचे दर्शन घडण्यात आले होते. मात्र, हा सिनेमा बॅाक्स अॅाफिसवर सपशेल अपयशी ठरला. त्यानंतर नितेश तिवारी यांनी धाडस दाखवत रामायण हा सिनेमा प्रेक्षकांच्या भेटीला घेऊन येत आहेत. खरंतर या सिनेमाचा ट्रेलर विविध कारणांमुळे अनेकदा पुढे ढकलण्यात आला होता. अखेर निर्मात्यांनी वेगळाच प्रयोग करत ब्रह्म मुहूर्तावर सिनेमाचा ट्रेलर प्रदर्शित केला.

सगळ्यात विशेष बाब म्हणजे पृथ्वी लोकं, देव लोक आणि पातल लोकांवर फक्त रावणराज… असा संवाद रावणाच्या भूमिकेत असलेल्या यशच्या तोंडी आहे. ट्रेलरमध्ये यशच्या लूकची चर्चा होत असून त्याच्या लूकने सर्वांचे लक्ष वेधून घेतले आहे. तर रणबीर कपूर प्रभू श्री रामांच्या भूमिकेत असून त्याच्याही भूमिकेने लक्ष वेधून घेतले आहे. ट्रेलरमध्ये व्हीएफएक्सचा (VFX) मोठ्या प्रमाणावर वापर दिसून येतोय, त्यामुळे सिनेमाची भव्यता अधोरेखित होते. प्रत्येक पात्राची झलक वैशिष्ट्यपूर्ण असल्याचे जाणवते.

सोशल मीडियावर रंगली चर्चा

रामायणच्या टीझरमध्ये राम म्हणजेच, रणबीर कपूर दिसला. तर सीता मातेच्या भूमिकेत साई पल्लवी आणि लक्ष्मणाच्या भूमिकेत रवि दुबेची छोटीशी झलक पाहायला मिळाली होती. तर, रावणाच्या भूमिकेत असलेल्या यशचे पात्र समोर आणले नव्हते. पण, आता ट्रेलरमध्ये यशचा भयावह रावण अवताराची सर्वत्र चर्चा आहे. चाहत्यांना ट्रेलरमध्ये हनुमानाची झलक पाहायला मिळालेली नाही, त्यामुळे चाहत्यांना ही झलक दाखवण्यात यायला हवी होती अशी चर्चा सोशल मीडियावर रंगली आहे.

RMC Mixer: आरएमसी प्लँट नियमावलीचे भिजत घोंगडे; ‘या’ दिवशी मिक्सर वाहनांना शहरात प्रवेशास परवानगी