Sana Saeed : शाहरुख खानच्या ‘कुछ कुछ होता है’ सिनेमातून बालकलाकार म्हणून लोकप्रिय झालेली आणि ‘स्टुडंट ऑफ द इयर’मध्येही झळकलेली अभिनेत्री सना सईद  (Sana Saeed  )चर्चेत आली आहे.

तिने आयुष्यातील अत्यंत कठीण संघर्षाबद्दल पहिल्यांदाच मोकळेपणाने भाष्य केले आहे. अनेक वर्षे ती ‘बुलिमिया’ (Bulimia) या गंभीर खाण्याच्या आजाराशी झुंज देत होती, असा धक्कादायक खुलासा तिने केला आहे.  (Sana Saeed)

इन्स्टाग्रामवर शेअर केलेल्या एका व्हिडिओमध्ये सनाने सांगितले की, लहानपणापासूनच तिला खाण्याबाबत भीती आणि अस्वस्थता जाणवत होती. “मला नेहमी लपूनछपून खावं लागायचं. कुणी माझ्या खोलीत येईल आणि मी खूप खात आहे, असं त्यांना वाटेल या भीतीत मी जगत होते,” असे तिने सांगितले.  (Sana Saeed)

सनाने पुढे सांगितले की, ‘द बुलिमिया हेल्प मेथड’ हे पुस्तक वाचल्यानंतरच तिला आपल्या समस्येचं खरं स्वरूप समजलं. “वर्षानुवर्षे मला वाटत होतं की माझ्यातच काहीतरी चूक आहे. पण जेव्हा या आजाराबद्दल वाचलं, तेव्हा माझ्यासोबत नेमकं काय घडत आहे, याची जाणीव झाली,” असा खुलासा अभिनेत्रीने केला.    (Sana Saeed)

 

View this post on Instagram

 

A post shared by Sana Saeed (@sanaofficial)

तिच्यासाठी सर्वात कठीण गोष्ट म्हणजे स्वतःला बुलिमिया असल्याचं स्वीकारणं होतं. अभिनेत्री म्हणाली “खाण्याचा आजारा आहे, हे मान्य करणंही कठीण होतं. लहानपणी या आजाराबद्दल कधीच ऐकलं नव्हतं. जर त्यावेळी याबद्दल माहिती असती, तर माझी समस्या मला खूप आधी समजली असती,” असेही सनाने स्पष्ट केले.   (Sana Saeed)

आता मात्र सना पूर्णपणे या आजारातून सावरली आहे. “आज मी पूर्णपणे बरी आहे आणि आयुष्यात यापूर्वी कधीही इतकं चांगलं वाटलं नव्हतं. जर तुम्हीही अशाच समस्येला सामोरे जात असाल, तर विश्वासातील व्यक्तीशी बोला किंवा तज्ज्ञांची मदत घ्या. योग्य उपचार आणि आधार मिळणं हा प्रत्येकाचा अधिकार आहे,” असे आवाहन तिने व्हिडिओमधून केले आहे.