Salman Khan’s New Movie : बॅालिवूड अभिनेता त्याच्या बहुचर्चित मातृभूमी या चित्रपटामुळे चर्चेत असून, त्याच्या आणखी एका चित्रपटाबाबत एक अपडेट समोर आली आहे. या नवीन चित्रपटात दाक्षिणात्य चित्रपटसृष्टीतील प्रसिद्ध अभिनेत्री सलमानसोबत स्क्रिन शेअर करताना दिसणार आहे. नुकतेच चित्रपटाबाबत दिग्दर्शिका वामशीने इन्स्टाग्राम अकाऊंटवरुन माहिती दिली आहे. इंन्स्टाग्राम पोस्टमध्ये वामशीने सलमान खानच्या आगामी चित्रपटाबद्दल माहिती देताना ‘मुहूर्त’ असे लिहिलेल्या क्लॅपरबोर्डचा एक फोटो शेअर केला आहे. सलमान खान आणि नयनतारा यांच्या अॅक्शन ड्रामा चित्रपटाचे चित्रीकरण सुरू झाले आहे. शनिवारी मुहूर्ताचा शॉट घेण्यात आला, असे तिने पोस्टमध्ये म्हटले आहे. दिग्दर्शिका वामशीच्या पोस्टमुळे चाहत्यांना चित्रपटाविषयी उत्सुकता लागली आहे. या चित्रपटाचे नाव काय आहे याबाबत कोणतीही माहिती समोर आलेली नाही. या पोस्टवर अनेक सेलिब्रिटींनी कमेंट्स करत शुभेच्छा दिल्या आहेत. अभिनेते अनिल कपूर यांनी “वामशी, तुम्हाला खूप खूप शुभेच्छा.” तसेच नम्रता शिरोडकरनेही “खूप खूप अभिनंदन” अशी कमेंट केली आहे. काही दिवसांपूर्वी सलमान खानने सोशल मीडिया पोस्टद्वारे आपल्या नवीन चित्रपटाची घोषणा केली होती. पोस्टमध्ये सलमानने तो एका तेलगू दिग्दर्शक आणि निर्मात्यासोबत आपल्या पुढील चित्रपटावर काम करणार असल्याचे जाहीर केले होते. सलमान खानने दिग्दर्शिका वामशी पैडीपल्लीसोबतचा एक फोटो इंस्टाग्रामवर शेअर केला होता. मातृभूमी कधी प्रदर्शित होणार? दरम्यान, सलामान खानचे चाहते बऱ्याच काळापासून त्याच्या मातृभूमी या चित्रपटाची वाट पाहत आहेत. चित्रपटाच्या प्रदर्शनाची तारीख 17 एप्रिल निश्चित करण्यात आली होती. मात्र, अभिनेता प्रशांत तामांगच्या निधनानंतर निर्माते हा चित्रपट 15 ऑगस्ट 2026 स्वातंत्र्यदिनादिवशी प्रदर्शित करण्याच्या विचारत आहेत. अद्यापर्यंत अधिकृत प्रदर्शनाच्या तारखेची घोषणा करण्यात आलेली नाही. हेही वाचा : Urmila Nimbalkar : “स्वतःच्या आयुष्यात एखादा प्रॉब्लेम येतो आणि…”; उर्मिला निंबाळकर करणार नवी सुरुवात?
