मुंबई : मुंबई महानगर पालिकेचा 2020-21 या वर्षासाठीचा सुमारे 33 हजार 441 कोटींहून अधिक रुपयांचा अर्थसंकल्प आज आयुक्त प्रवीण परदेशी यांनी स्थायी समितीचे अध्यक्ष यशवंत जाधव यांना सादर केला. गेल्या वर्षीच्या तुलनेत 3 हजार कोटी रुपयांनी अर्थसंकल्प वाढला आहे.

या अर्थसंकल्पात विद्यमान करात कोणतीही वाढ सुचवण्यात आलेली नाही आणि नवीन करही प्रस्तावित नाही. पालिकेच्या उत्पन्नावर ताण पडत असला तरी भांडवली खर्चात 36 टक्के वाढ करण्यात आल्याचं पालिका आयुक्तांनी स्पष्ट केलं आहे.

नव्या अर्थसंकल्पात कोस्टल रोडसाठी 2 हजार कोटी, रस्ते वाहतूक आणि पुलांच्या पुनर्बांधणीसाठी 2 हजार 699 कोटी रुपये, पाणी पुरवठ्यासाठी 1 हजार 728 कोटी, आरोग्यासाठी 1 हजार 49 कोटी रुपये, मलनिस्सारणासाठी 912 कोटी, माहिती तंत्रज्ञानावर 157 कोटी रुपये खर्च केले जाणार आहेत.