Sujay Vikhe Patil :  भाजप नेते सुजय विखे पाटील यांनी सध्या सुरू असलेल्या डीजेबंदीच्या मुद्यावर भाष्य केले आहे. तसेच त्यांनी विद्यानंद बापट यांच्यासारखी मराठी बोलता येत नसल्याचे देखील सांगितले. सध्या सोशल मीडियावर विद्यानंद बापट यांच्या मराठीचे प्रचंड कौतुक होत आहे. ते बोलत असलेल्या शब्दांची देखील एक वेगळीच चर्चा आहे.

सुजय विखे पाटील म्हणाले की, “मी विद्यानंद बापटांसारखा मराठी बोलू शकत नाही. हा ज्याचा त्याचा आउटलूक आहे. आमच्या ग्रामीण भागात डीजेचा त्रास नाही. गावांमध्ये मोठ्या मोठ्या इमारती नाही. त्यामुळे डीजे वाजत-वाजत कधी निघून जातो कळत नाही.

मात्र, शहरी भागामध्ये प्रश्न वेगळे आहेत. तेथे वाहतूक समस्या, इमारती, हॉस्पिटल त्यामुळे तिथला प्रश्न वेगळा आहे. त्यामुळे मी ग्रामीण भागाचा नेतृत्व करत असताना आमच्या युवकांना डीजे लागतो आणि आम्ही ते वाजू देतो,” अशी प्रतिक्रिया सुजय विखे पाटील यांनी दिली. Sujay Vikhe Patil

अहिल्यानगर जिल्हा बँकेच्या निवडणुकीबाबत काय म्हणाले सुजय विखे पाटील? 

अहिल्यानगर जिल्हा बँकेच्या निवडणुकीसाठी विधान परिषदेचे सभापती राम शिंदे आणि जिल्ह्याचे पालकमंत्री राधाकृष्ण विखे यांच्यात हा संघर्ष दिसत आहे. तर सुजय विखे हे काँग्रेसच्या मदतीने अध्यक्षपद मिळवण्याच्या प्रयत्नात आहेत असल्याची चर्चा आहे.

यावर बोलताना भाजपा प्रदेश उपाध्यक्ष सुजय विखेंनी आपली भूमिका स्पष्ट केली आहे. त्यांनी सांगितले की, “कुठलीही निवडणूक लागली तर माझं नाव येतं आणि मलाच काही मिळत नाही. जिल्हा बँक ही जिल्ह्याच्या शेतकऱ्यांची जिव्हाळ्याची आणि अस्मितेची संस्था असल्याने सहकारी संस्था चालवणाऱ्या लोकांनाच याची जबाबदारी देणे योग्य राहील.

मात्र, माझ्या नावाला सहमती नाही म्हणून वाद होत असेल तर तसं सांगावं, मी जिल्हा बँकेच्या पदावर बसायला आजही इच्छूक नाही. पण माझा उद्देश शेतकऱ्यांना न्याय देणे एवढाच आहे. या खुर्चीवर तोच बसेल ज्याचं नाव मुख्यमंत्री फडणवीस सांगतील,” अशी प्रतिक्रिया सुजय विखेंनी दिली आहे.

हेही वाचा: 

Donald Trump: ट्रम्प यांच्या सात पोस्टने खळबळ; तेहरानच्या नकाशावर ट्रम्प यांचा फोटो, इराणची अर्थव्यवस्था उद्ध्वस्त झाल्याचा दावा