Siddharth Shinde Passed Away | सुप्रीम कोर्टाचे वरिष्ठ वकील सिद्धार्थ शिंदे यांचे हृदयविकाराच्या झटक्याने निधन झाले आहे. काल (सोमवारी, ता १५) रात्री दिल्लीतील एम्स रुग्णालयात वयाच्या ४८ व्या वर्षी त्यांनी अखेरचा श्वास घेतला. शिंदे यांना सर्वोच्च न्यायालयात असतानाच अचानक चक्कर आली होती. त्यानंतर त्यांना एम्स रुग्णालयामध्ये हलवण्यात आलं. मात्र हृदयक्रिया बंद पडल्याने त्यांची प्राणज्योत मालवली. माजी केंद्रीय कृषिमंत्री अण्णासाहेब शिंदे यांचे ते नातू होते.

सिद्धार्थ शिंदे हे सर्वसामान्यांना गुंतागुंतीच्या कायद्याचे विश्लेषण सोप्या भाषेत समजावून सांगणारे मार्गदर्शक होते. सिद्धार्थ शिंदे यांना महाराष्ट्रातील राजकीय घडामोडींची बारकाईने जाण आणि संविधानाविषयी सखोल ज्ञान होते. मराठा आरक्षण आणि राज्यातील सत्तासंघर्ष या महत्त्वाच्या सुनावण्यादरम्यान त्यांनी सुप्रीम कोर्टातील युक्तिवाद आणि अचूक माहिती जनतेपर्यंत पोहोचवली होती. Siddharth Shinde |

पुण्यात वैकुंठ स्मशानभूमीत अंत्यसंस्कार 

सिद्धार्थ शिंदे यांचे पार्थिव आज, 16 सप्टेंबर 2025 रोजी पुण्यातील वैकुंठ स्मशानभूमीत आणले जाईल आणि दुपारी त्यांच्यावर अंत्यसंस्कार करण्यात येतील. मूळचे अहिल्यानगर जिल्ह्यातील श्रीरामपूर येथील रहिवासी असलेले सिद्धार्थ शिंदे यांचे कुटुंबीय अनेक वर्षांपासून पुण्यामध्ये स्थायिक आहेत. त्यांच्या पश्चात पत्नी, मुलगा, मुलगी असा परिवार आहे. त्यांच्या अकाली निधनाने कायद्याच्या क्षेत्रातील एक अभ्यासू व्यक्तिमत्त्व आणि कायद्याची सोपी मांडणी करून सांगणारे जाणकार हरपल्याची भावना व्यक्त होत आहे. Siddharth Shinde |

हेही वाचा: 

Lightning strikes temple | देवस्थानावर वीजेचा कहर ; कळसाला तडे, मंदिरातील उपकरणांचे नुकसान