Raghav Chadha – राघव चढ्ढा संसदेत पंजाबचे प्रश्न मांडण्यात अपयशी ठरले, असे पोस्ट करत असलेल्या सर्वांना मी हे सांगू इच्छितो की, नानकाना साहिब कॉरिडॉर आणि बठिंडा ट्रेनशी संबंधित मुद्दे मी राज्यसभेत मांडले आहेत. त्याचा संपूर्ण पुरावा माझ्याकडे आहे. पण आम आदमी पक्षाचे नेते अनधिकृत माहितीवर विश्वास ठेवून कारवाई करतात, हे मात्र न समजण्यासारखे आहे, असे प्रतिपादन आम आदमी पार्टीचे राज्यसभा सदस्य राघव चढ्ढा यांनी केले आजे. राज्यसभेत पंजाब आणि पक्षाशी संबंधित मुद्दे ठळकपणे न मांडल्याचा आरोप पक्षाने केला होता. त्याला चढ्ढा यांनी पुराव्यांसह प्रत्युत्तर दिले आहे. चढ्ढा यांनी लिहिले आहे की, माझ्या आम आदमी पार्टीच्या सहकाऱ्यांसाठी, ज्यांना असा व्हिडिओ प्रसिद्ध करण्यास भाग पाडले गेले, त्यांच्यासाठी हा एक छोटा ट्रेलर आहे… खरे चित्र अजून समोर यायचे आहे. पंजाब माझ्यासाठी केवळ चर्चेचा विषय नाही, ते माझे घर, माझे कर्तव्य, माझी माती, माझा आत्मा आहे. Arvind Kejriwal | राघव चड्ढा यांनी शेअर केलेल्या व्हिडिओमध्ये अनेक व्हिडिओ एकत्र जोडलेले आहेत. या व्हिडिओमध्ये आपचे नेते, नानकाना साहिबसाठी भारत-पाकिस्तान कॉरिडॉर, शेतकऱ्यांच्या पिकांसाठी किमान राखीव किंमत, मोठ्या संख्येने कर्करोगग्रस्त रुग्णांना घेऊन जाणारी बठिंडा ट्रेन, पंजाबमधील वायू प्रदूषण आणि भगत सिंग यांना भारतरत्न यांसारखे मुद्दे उपस्थित केले आहेत. Raghav Chadha: हा होता पक्षाचा आरोप : पंजाबचे अर्थमंत्री हरपाल सिंग चीमा, आपचे प्रदेशाध्यक्ष अमन अरोरा आणि पक्षाचे नेते कुलदीप सिंग धालीवाल यांनी म्हटले आहे की, ग्रामीण विकास निधीची सुमारे ८,५०० कोटी रुपयांची थकबाकी आणि वस्तू व सेवा कराशी (जीएसटी) संबंधित सुमारे ६०,००० कोटी रुपयांचे नुकसान यांसारखे महत्त्वाचे आर्थिक मुद्दे संसदेत उपस्थित केले गेले नाहीत. जीएसटी भरपाईतील बदलांमुळे झालेले आर्थिक नुकसान आणि राष्ट्रीय आरोग्य अभियानांतर्गत निधीपुरवठ्याशी संबंधित मुद्दे हे देखील खासदारांनी कथितपणे उपस्थित न केलेले मुद्दे असल्याचे त्यांनी सांगितले.
