वूमन्स प्रीमियर लीगला 14 फेब्रुवारीपासून सुरुवात होणार आहे. यंदाचा हा तिसरा सिझन असणार आहे. यावेळी देशातील चार शहरांमध्ये स्पर्धेचे सामने खेळवले जातील. WPL मध्ये एकूण 5 संघ सहभागी होतात. या स्पर्धेतील पहिले विजेतेपद हरमनप्रीत कौरच्या नेतृत्वाखाली मुंबई इंडियन्स संघाने तर दुसऱ्या सिझनने विजेते पद स्मृती मानधनाच्या नेतृत्वाखाली खेळणाऱ्या रॉयल चॅलेंजर्स बंगळुरू संघाने पटकावले होते.

4 शहरांमध्ये रंगणार WPL 2025 चा थरार
वूमन्स प्रीमियर लीगचे सामने देशातील चार शहरांमध्ये खेळवले जातील, हे पहिल्यांदाच घडणार आहे. ही स्पर्धा वडोदरा येथून सुरू होईल, त्यानंतर हा कारवां बेंगळुरूमधील एम. चिन्नास्वामी स्टेडियमवर पोहोचेल, तर यावेळी वूमन्स प्रीमियर लीग सामने लखनऊमधील एकाना स्टेडियमवरही खेळवले जातील. अंतिम सामना मुंबईतील ब्रेबॉर्न स्टेडियमवर खेळवला जाणार आहे.

कशी असणार स्पर्धा ?
WPL 2025 चा पहिला सामना 14 फेब्रुवारी रोजी खेळला जाईल, तर अंतिम सामना 15 मार्च रोजी खेळला जाणार आहे. वूमन्स प्रीमियर लीगमध्ये एकूण 5 संघ खेळतात, ज्यात गुजरात जायंट्स, रॉयल चॅलेंजर्स बंगळुरू, मुंबई इंडियन्स, दिल्ली कॅपिटल्स आणि यूपी वॉरियर्स यांचा समावेश आहे. लीग टप्प्यात, सर्व संघांना एकमेकांविरुद्ध किमान 2 सामने खेळण्याची संधी मिळेल, ज्यामध्ये पॉइंट टेबलमध्ये पहिल्या स्थानावर असलेला संघ थेट अंतिम सामन्यासाठी पात्र ठरेल, तर एलिमिनेटर सामना दुसऱ्या आणि तिसऱ्या स्थानावर असलेल्या संघांमध्ये खेळला जाईल. यामध्ये जो जिंकेल तो फायनलमध्ये पोहोचणार आहे.

कधी आणि कुठे पाहणार थेट प्रक्षेपण ? 
स्टार स्पोर्ट्स नेटवर्कवर टीव्हीवर वूमन्स प्रीमियर लीग 2025 हंगामाच्या सामन्यांचे थेट प्रक्षेपण पाहता येणार आहे. याशिवाय, सामन्यांचे ऑनलाइन स्ट्रीमिंग डिस्ने प्लस हॉटस्टार ॲपवर करण्यात येणार आहे. यावेळी वूमन्स प्रीमियर लीग 2025 मधील सर्व सामने भारतीय वेळेनुसार संध्याकाळी 7:30 वाजता सुरू होतील तर ७ वाजता टॉस केला जाणार आहे.

2025 वूमन्स प्रीमियर लीगचे संपूर्ण वेळापत्रक –

14 फेब्रुवारी – गुजरात जायंट्स विरुद्ध रॉयल चॅलेंजर्स बेंगळुरू, 7.30 वाजता, वडोदरा – कोटाम्बी स्टेडियम
15 फेब्रुवारी – मुंबई इंडियन्स विरुद्ध दिल्ली कॅपिटल्स, संध्याकाळी 7.30 वाजता, वडोदरा – कोटाम्बी स्टेडियम
16 फेब्रुवारी – गुजरात जायंट्स विरुद्ध यूपी वॉरियर्स, संध्याकाळी 7.30 वाजता, वडोदरा – कोटाम्बी स्टेडियम
17 फेब्रुवारी – दिल्ली कॅपिटल्स विरुद्ध रॉयल चॅलेंजर्स बेंगळुरू, 7.30 वाजता, वडोदरा – कोटाम्बी स्टेडियम
18 फेब्रुवारी – गुजरात जायंट्स विरुद्ध मुंबई इंडियन्स, 7.30 वाजता, वडोदरा – कोटाम्बी स्टेडियम
19 फेब्रुवारी – यूपी वॉरियर्स विरुद्ध दिल्ली कॅपिटल्स, संध्याकाळी 7.30 वाजता, वडोदरा – कोटाम्बी स्टेडियम
21 फेब्रुवारी – रॉयल चॅलेंजर्स बेंगळुरू विरुद्ध मुंबई इंडियन्स, संध्याकाळी 7.30 वाजता, बंगळुरू – चिन्नास्वामी स्टेडियम
22 फेब्रुवारी – दिल्ली कॅपिटल्स विरुद्ध यूपी वॉरियर्स, संध्याकाळी 7.30 वाजता ७.३० वाजता, बंगळुरू – चिन्नास्वामी स्टेडियम
24 फेब्रुवारी – रॉयल चॅलेंजर्स बेंगळुरू विरुद्ध यूपी वॉरियर्स, संध्याकाळी 7.30 वाजता, बंगळुरू – चिन्नास्वामी स्टेडियम
25 फेब्रुवारी – दिल्ली कॅपिटल्स विरुद्ध गुजरात जायंट्स, 7.30 वाजता, बंगळुरू – चिन्नास्वामी स्टेडियम
26 फेब्रुवारी – मुंबई इंडियन्स विरुद्ध यूपी वॉरियर्स, संध्याकाळी 7.30 वाजता, बंगळुरू – चिन्नास्वामी स्टेडियम
27 फेब्रुवारी – रॉयल चॅलेंजर्स बेंगळुरू विरुद्ध गुजरात जायंट्स, 7.30 वाजता, बंगळुरू – चिन्नास्वामी स्टेडियम
28 फेब्रुवारी – दिल्ली कॅपिटल्स विरुद्ध मुंबई इंडियन्स, संध्याकाळी 7.30 वाजता, बंगळुरू – चिन्नास्वामी स्टेडियम
1 मार्च – रॉयल चॅलेंजर्स बेंगळुरू विरुद्ध दिल्ली कॅपिटल्स, संध्याकाळी 7.30 वाजता, बंगळुरू – चिन्नास्वामी स्टेडियम
3 मार्च – यूपी वॉरियर्स विरुद्ध गुजरात जायंट्स, संध्याकाळी 7.30 वाजता, लखनौ – एकाना क्रिकेट स्टेडियम
6 मार्च – यूपी वॉरियर्स विरुद्ध मुंबई इंडियन्स, संध्याकाळी 7.30 वाजता, लखनौ – एकाना क्रिकेट स्टेडियम
7 मार्च – गुजरात जायंट्स विरुद्ध दिल्ली कॅपिटल्स, 7.30 वाजता, लखनौ – एकाना क्रिकेट स्टेडियम
8 मार्च – यूपी वॉरियर्स विरुद्ध रॉयल चॅलेंजर्स बेंगळुरू, संध्याकाळी 7.30 वाजता, लखनौ – एकाना क्रिकेट स्टेडियम
10 मार्च – मुंबई इंडियन्स विरुद्ध गुजरात जायंट्स, 7.30 वाजता, मुंबई – ब्रेबॉर्न स्टेडियम
11 मार्च – मुंबई इंडियन्स विरुद्ध रॉयल चॅलेंजर्स बेंगळुरू, 7.30 वाजता, मुंबई – ब्रेबॉर्न स्टेडियम
13 मार्च – एलिमिनेटर, संध्याकाळी 7.30 वाजता, मुंबई – ब्रेबॉर्न स्टेडियम
15 मार्च – अंतिम सामना, संध्याकाळी 7.30 वाजता, मुंबई – ब्रेबॉर्न स्टेडियम