नवी दिल्ली – Mocha चक्रीवादळ वेगाने पुढे जात आहे. शुक्रवारी त्याचे तीव्र चक्रीवादळात रूपांतर झाले. यादरम्यान ताशी 135 किलोमीटर वेगाने वारे वाहत होते. बांगलादेश-म्यानमार किनार्‍याकडे सरकणे अपेक्षित आहे. भारतीय हवामान विभाग (IMD) नुसार, सकाळी 5:30 वाजता चक्रीवादळ बंगालच्या उपसागराच्या आग्नेय, पोर्ट ब्लेअरच्या पश्चिमेला सुमारे 520 किमी आणि कॉक्स बाजारच्या दक्षिण-नैऋत्येस 1,100 किमी अंतरावर होते.

ताशी 175 किलोमीटर वेगाने वारे वाहतील
हे चक्रीवादळ आणखी तीव्र होणार असल्याचे हवामान कार्यालयाने सांगितले. ते रविवारी म्यानमारमधील सित्तवे बंदर शहराजवळील कॉक्स बाजार आणि क्यूकप्यु दरम्यान समुद्रकिनाऱ्यावर धडकेल. त्यामुळे ताशी १७५ किलोमीटर वेगाने वारे वाहतील. मच्छीमार, जहाजे, बोटी आणि ट्रॉलर यांना मध्य आणि ईशान्य बंगालच्या उपसागरात आणि उत्तर अंदमान समुद्रात जाऊ नये असा सल्ला देण्यात आला आहे.

भारतात पावसाची शक्यता
चक्रीवादळामुळे त्रिपुरा आणि मिझोराममध्ये शनिवारपासून मुसळधार पाऊस पडण्याची शक्यता आहे. याशिवाय रविवारी नागालँड, मणिपूर आणि दक्षिण आसाममध्ये अनेक ठिकाणी पाऊस पडण्याची शक्यता आहे.

Mocha हे नाव कसे पडले?
मध्यपूर्व आशियातील येमेन या देशाने या शक्तिशाली वादळाला ‘मोका’ असे नाव दिले आहे. हे येमेनमधील एक शहर आहे, ज्याला मोखा म्हणूनही ओळखले जाते. हे शहर कॉफीच्या व्यापारासाठी ओळखले जाते. यावरून ‘मोका कॉफी’ हे नावही ठेवण्यात आले.