Alka Kubal Athalye : ‘विहिरीत ढकलण्याचा सीन 28 व्या टेकला ओके झाला’; माहेरच्या साडी सिनेमातील खास किस्सा
Alka Kubal Athalye : अनेक सिनेमांच्या अॅाफर त्यांना झटपट मिळत गेल्या. पण त्यांची माहेरची साडी सिनेमातील भूमिका खूप लोकप्रिय ठरली.
Alka Kubal Athalye : ज्येष्ठ अभिनेत्री अलका कुबल आठले यांनी मराठीसिनेसृष्टीला अनेक दर्जेदार सिनेमे दिले आहेत. त्यांनी एक काळ गाजवला. त्यांनी साकारलेली प्रत्येक भूमिका प्रेक्षकांच्या मनात रुतून बसली. अशीच एक भूमिका त्यांनी केली होती. माहेरची साडी या अजरामर ठरलेल्या सिनेमात. या सिनेमाने त्यांना ओळख मिळवून दिली आणि पुढे त्या मोठ्या स्टार बनल्या.
अनेक सिनेमांच्या अॅाफर त्यांना झटपट मिळत गेल्या. पण त्यांची माहेरची साडी सिनेमातील भूमिका खूप लोकप्रिय ठरली. या सिनेमाविषयीच्या अनेक आठवणी असल्या तरी सिनेमात विहिरचा सीन शूट करण्यासाठी तब्बल २८ टेक घ्यावे लागले असल्याची खास आठवण अलका कुबल यांचे पती प्रसिद्ध छायाचित्रकार समीर आठले यांनी नुकत्याच दिलेल्या एका मुलाखतीत शेअर केली आहे.
अन् २८ व्या टेकला सीन ओके झाला (Alka Kubal Athalye)
या सिनेमात अलका यांना सोशिक सुनेच्या भूमिका मिळाली होती. तर त्यांच्या सासूच्या भूमिकेत ज्येष्ठ अभिनेत्री उषा नाडकर्णी होत्या. सासू सतत सुनेला कसा त्रास देते, तिचा छळ करते यावर आधारित या सिनेमाची कथा होती. या सिनेमासाठी समीर आठले यांनी छायाचित्रण केले होतं. विहिरीत ढकलण्याचा सीन शूट करताना किस्सा शेअर करताना समीर म्हणाले, “जेव्हा अलका रोमँटिक सीन करत असयाची तो एक किंवा दोन टेकमध्ये ओके व्हायचा. पण विहिरीत ढकलण्याचा सीन २८ व्या टेकला ओके झाला.” तर जेव्हा आम्ही काम करत असतो तेव्हा आम्ही सेटवर नवरा बायको नसतो. काम करत असताना समीर त्याच्या टीमसोबत आणि मी माझ्या व्हॅनेटीमध्ये असते. आमचा कॅाल टाइम वेगळा असल्याने आम्ही एकत्रही प्रवास करत नाही. असे अलका कुबल आठले यांनी एका जुन्या मुलाखतीत सांगितलं आहे. (Alka Kubal Athalye)
Alka Kubal Athalye : ‘विहिरीत ढकलण्याचा सीन 28 व्या टेकला ओके झाला’; माहेरच्या साडी सिनेमातील खास किस्सा
समीर यांनी अलका यांच्या अनेक सिनेमासांठी छायाचित्रण म्हणून काम केलं आहे. माहेरची साडी सिनेमा हिट ठरल्यानंतर दोघांनी आठ महिन्यांनी लग्न केलं. एका जुन्या मुलाखतीत अलका यांनी याविषयीची आठवलं सांगितली. “मला प्रपोच करावं लागलं. आम्ही नुसते फिरत होतो आणि नजरेतून सगळं कळतं होतं. समीरने मला कधीच विचारलं नाही की अलका आपण लग्न करूयात का. आई मला रोज बडबड करायची काय ही मुलगी रोज या मुलाबरोबर फिरायला जाते. आईचा लग्नाला विरोध होता” असा खुलासा अलका कुबल आठले यांनी एका जुन्या मुलाखतीत केला आहे. अलका आणि समीर यांना दोन मुली असून एक पायलट आणि एक डॅाक्टर आहे.
