Uddhav Thackeray Interview Teaser : राज्याच्या राजकारणात ठाकरे बंधू मराठीच्या मुद्यावरून एकत्र आल्यानंतर शिवसेना (उबाठा) आणि मनसेच्या युतीच्या जोरदार चर्चा होत आहेत. आगामी स्थानिक स्वराज्य संस्थांच्या निवडणुका काही महिन्यांवर येऊन ठेपलेल्या असताना ठाकरे बंधूंचे एकत्र येणे महत्वाचे मानले जात आहेत.

उद्धव ठाकरे यांनी एकत्र येण्यावर सकारत्मकता दाखवली असली तरी राज ठाकरे आपली सावध भूमिका घेत आहेत. अशातच उद्धव ठाकरे यांची सामनाचे संपादक संजय राऊत यांनी घेतलेल्या मुलाखतीत यावर मोठं विधान केलं आहे. या मुलाखतीचा टीझर समोर आला आहे. या टीझरमध्ये राऊत विविध मुद्यांवर उद्धव ठाकरे यांना प्रश्न विचारत आहेत.

महाराष्ट्राच्या राजकारणातले ठाकरी वारे काही हटत नाही थंड पडत नाही,  असं संजय राऊतांनी यांनी विचारल्यानंतर “सदा सर्वदा ठाकरे म्हणजे एक संघर्ष आहे आणि हा संघर्ष मतलबी वाऱ्यासाठी नाही, असे उत्तर उद्धव ठाकरे यांनी केलेलं विधान महत्वाचे मानले जात आहे. ठाकरे बंधू एकत्र येण्यावरून उद्धव ठाकरे यांनी राज आपल्या सोबत असल्याचे म्हटले आहे, यामुळे त्यांच्या या विधानाने ठाकरे बंधू येणार का या चर्चांना पुन्हा एकदा उधाण आले आहे.

नेमकं काय म्हणाले उद्धव ठाकरे?