लखनौ  – रामजन्मभूमीच्या पुजाऱ्यांना अच्छे दिन येणार आहेत. आता हे पुजारी आणि कर्मचाऱ्यांना सरकारी कर्मचाऱ्यांप्रमाणे सुविधा देण्याची तयारी सुरू आहे. श्री रामजन्मभूमीचे मुख्य वास्तुविशारद आचार्य सत्येंद्र दास यांनी सांगितले की, श्री राम मंदिर ट्रस्ट आता रामललाच्या सेवेत नियुक्त पुजारी आणि कर्मचाऱ्यांना सरकारी स्तरावरील सुविधा पुरवणार आहे.

ट्रस्टचे सरचिटणीस चंपत राय यांनी लवकरच पुजारी आणि कर्मचाऱ्यांना विशेष सुविधा पुरवल्या जातील, असे आश्वासन दिले आहे. त्यावर विचारमंथन सुरू आहे. आता पुजाऱ्यांना निवास आणि वैद्यकीय सुविधांसोबत निवासी भत्ताही दिला जाणार असल्याचा दावा सत्येंद्र दास यांनी केला आहे.

एवढेच नाही तर पुजाऱ्यांनाही सरकारी सुट्टीच्या दिवशी सुट्टी दिली जाणार आहे. सध्या चार पुरोहितांसह एकूण आठ कर्मचारी रामललाच्या सेवेत तैनात आहेत. पुजाऱ्यांचे पगार वाढवण्याची तयारी सुरू असल्याचे सांगितले.